53:25  25  SUR  LA  PREMIERE  A  TIMOTHEE.  Et  au  reste,  nous  voyons  comme  les  promesses  ont  este  accomplies  depuis  que  Dieu  a  choisi  Abraham,  nous  voyons  les  choses  estre  advenues  comme  il  les  avoit  predites:  nous  voyons  comme  le  royaume  a  este  en  la  fin  establi  en  la  lignee  de  Iuda,  que  le  sceptre  a  este  dresse  comme  Iacob  l'avoit  prononce  long  temps  auparavant:  mais  comme  l'Esprit  de  Dieu  luy  avoit  mis  en  la  bouche.  Apres  David,  nous  voyons  comme  le  royaume  a  este  abbatu,  et  que  Dieu  Ta  redresse  en  la  personne  de  nostre  Seigneur  Iesus  Christ.  Yoila  donc  des  choses  qui  nous  sont  bien  utiles,  voire  quand  on  les  appliquera  a  bonne  fin  et  usage:  mais  (comme  i'ay  dit)  les  Iuifs  s'amusoyent  simplement  aux  accessoires,  et  cependant  ils  laissoyent  la  substance,  comme  aussi  il  en  est  advenu  en  la  papaute.  En  quoy  est-ce  que  les  enfans  de  Dieu  se  doivent  exercer,  et  appliquer  toute  leur  estude?  C'est  de  cognoistre  comme  Dieu  nous  est  Pere  et  Sauveur,  ainsi  qu'il  s'est  monstre  en  nostre  Seigneur  Iesus  Christ,  comme  aussi  sainct  Paul  le  dit  en  ce  passage,  que  la  vraye  edification  consiste  en  foy.  Or  la  foy  n'est  pas  seule,  mais  elle  emporte  aussi  que  quand  Dieu  nous  aura  pardonne  nos  pechez,  et  nous  aura  iustifiez  par  sa  pure  bonte,  qu'il  nous  aura,  di-ie,  reformez  a  son  image,  que  nous  le  pouvons  invoquer  en  toute  liberte,  et  en  telle  confiance  que  nous  ne  doutions  point  de  l'appeller  nostre  Pere,  et  nous  tenir  pour  ses  enfans  au  nom  de  nostre  Seigneur  Iesus  Christ:  que  nous  pouvons  nous  glorifier  a  rencontre  de  la  mort  et  de  tous  nos  ennemis  spirituels:  que  nous  cheminions  comme  en  la  garde  de  nostre  Dieu,  ne  craignans  rien  au  milieu  de  tous  dangers,  puis  qu'ainsi  est  qu'il  nous  conduit  et  gouverne.  Voila,  en  quoy  les  fideles  se  doivent  exercer  tout  le  temps  de  leur  vie.  Toutesfois  qu'est-ce  qu'on  fait  en  la  papaute?  Ceux  qui  voudront  estre  theologiens,  employent  une  grande  partie  de  leur  vie  a  disputer  des  choses  dont  ils  ne  peuvent  avoir  nulle  resolution.  Car  quand  ils  auront  bien  combatu,  si  est-ce  qu'ils  ne  trouveront  une  seule  syllabe  en  l'Escriture  saincte  pour  les  resoudre  en  leurs  questions.  Et  comment?  Qu'on  dispute  ainsi  des  choses  que  Dieu  nous  a  voulu  cacher?  Et  encores  qu'elles  fussent  bonnes,  Dieu  ne  nous  a-il  point  constitue  nos  limites  qu'il  ne  faut  point  passer?  Yoirej  et  nous  a  donne  en  l'Escriture  ce  qui  est  bon  et  expedient  de  scavoir.  Car  il  est  certain  qu'il  ne  nous  a  point  apprins  seulement  un  a.  b.  o.,  quand  il  nous  a  donne  sa  parole,  mais  il  nous  a  enseigne  a  pleine  bouche:  comme  Moyse  le  disoit  au  peuple  d'Israel.  Et  sainct  Paul  s'en  glorifie  plus  a  plein,  disant  que  l'Evangile  contient  une  sagesse  parfaite.  Or  les  docteurs  scholastiques,  qu'on  appelle,  se  sont  beaucoup  tourmentez  a  disputer  de  questions  dont  on  ne  trouvera  nul