51:25  25  SUR  L'EPITRE  AUX  GALATES.  26  Christ.  Si  donc  auiourd'huy  nous  les  retenions,  elles  seroyent  pour  nous  faire  tourner  le  dos  a  Iesus  Christ,  tellement  que  non  sans  cause  sainct  Paul  a  monstre  par  ci  devant  que  ce  n'estoit  plus  rien  qui  vaille  qu'une  telle  observation:  et  encores  en  parlera-il.  Or  donc  pour  ce  qu'il  avoit  a  disputer  contre  ceux  qui  mettoyent  en  avant  les  ceremonies,  il  leur  dit,  Cheminez  selon  l'Esprit:  comme  s'il  disoit,  Regardez  quel  est  le  vray  service  de  Dieu,  il  ne  gist  point  ni  en  luminaire,  ni  en  encens,  ni  en  la  Circoncision,  ni  en  l'observation  des  iours,  ni  a  s'abstenir  de  manger  quelque  viande:  ce  n'est  point  la  ou  Dieu  a  voulu  arrester  les  siens,  mais  son  service  est  spirituel.  Cheminez  donc  en  l'Esprit,  et  alors  vous  ne  parferez  plus  les  concupiscences  de  la  chair.  Or  cela  n'est  pas  le  tout  (comme  desia  nous  avons  monstre),  mais  cependant  d'une  facon  oblique  sainct  Paul  se  mocque  de  ce  que  ces  seducteurs,  contre  lesquels  il  combat,  estoyent  si  empeschez  en  ces  choses  petites  et  legieres,  qui  ne  sont  qu'elemens  de  ce  monde,  ou  des  rudimens  des  petis  enfans.  Pour  ce  donc  qu'ils  estoyent  la  du  tout  enveloppez,  il  leur  dit  qu'il  faut  cheminer  en  Esprit.  Aa  reste  (comme  desia  nous  avons  declare)  il  assigne  ici  le  vray  moyen  de  faire  que  nous  soyons  unis  en  charite:  car  il  est  impossible  (iusques  a  ce  que  nous  ayons  combatu  vertueusement)  de  venir  a  Dieu  et  d'oublier  toutes  inimitiez.  Or  le  remede  (comme  i'ay  dit)  est  en  Dieu.  Ii  faut  donc  le  prier  qu'il  augmente  en  nous  de  plus  en  plus  les  graces  de  son  sainct  Esprit,  et  alors  nous  trouverons  que  la  chair  quelque  furieuse  qu'elle  soit,  combien  qu'elle  iette  ses  bouillons  et  impetuositez,  combien  qu'il  semble  qu'elle  soit  une  beste  sauvage  qu'on  ne  peut  nullement  donter,  nous  trouverons  qu'elle  ne  sera  pas  plus  forte  que  l'Esprit  de  Dieu  et  la  grace  qui  nous  sera  donnee  d'enhaut,  laquelle  sera  pour  nous  reduire  et  nous  tenir  sous  le  ioug  et  l'obeissance  de  nostre  Dieu.  Bref  sainct  Paul  declare  quand  nous  ne  pouvons  pas  resister  a  nos  meschans  appetis  que  cela  procede  de  nostre  nonchalance  et  froidure,  d'autant  que  chacun  de  nous  se  nourrit  par  vaines  flatteries  en  son  mal,  et  que  nous  n'alions  pas  a  Dieu  avec  une  telle  affection  et  zele  qu'il  seroit  requis.  Concluons  donc  que  les  hommes  n'auront  nulle  excuse  en  leurs  vices:  car  ils  s'y  plaisent,  et  ne  demandent  sinon  que  Dieu  les  laisse  la  cropir,  et  fuyent  tant  qu'ils  peuvent  le  remede  et  la  correction  :  et  mesmes  ils  sont  tellement  eslourdis  qu'il  ne  leur  chaut  de  provoquer  l'ire  de  Dieu,  pource  qu'ils  ne  peuvent  souffrir  d'estre  instruits  en  facon  que  ce  soit.  Il  est  vray  que  quelquefois  ils  confesseront  assez  de  bouche  qu'ils  voudroyent  bien  avoir  change  de  nature  et  de  complexion:  mais