48:25  25  CAPUT  II.  26  CAPUT  ll.  1.  Et  dum  compleretur  dies  pentecostes,  erant  omnes  unanimiter  congregati  simul:  2.  et  factus  est  repente  e  coelo  sonitus,  quasi  violento  flatu  irruente,  et  implevit  totam  domum  ubi  sedebant:  3.  et  visae  sunt  illis  dissectae  linguae,  tanquam  igneae,  seditque  super  unumquemque  illorum.  4.  Et  impleti  sunt  omnes  spiritu  sancto  et  coeperunt  loqui  alienis  linguis,  quemadmodum  spiritus  dabat  illis  eloqui.  1.  Dum  compleretur.  Compleri  pro  advenire  capitur.  Nam  illorum  perseverantiae  iterum  Lucas  testimonium  reddit,  quum  dicit,  stetisse  omnes  eodem  loco,  usque  ad  constitutum  illis  tempus.  Huc  pertinet  adverbium  unanimiter.  Porro,  cur  Dominus  adventum  spiritus  totum  sesquimensem  distulerit,  supra  attigimus.  Cur  autem  illo  potissimum  die  miserit,  quaeritur.  Ego  illam  Augustini  anagogem  refutare  nolo:  quod  sicuti  quinquagesimo  post  pascha  die  lex  veteri  populo  data  fuit,  manu  Dei  scripta  in  tabulis  lapideis:  ita  spiritus,  cuius  officium  est  eam  cordibus  nostris  inscribere,  totidem  diebus,  post  resurrectionem  Christi,  qui  verum  est  pascha,  implevit  quod  in  legis  promulgatione  figuratum  fuerat.  Quod  tamen  hanc  argutiam  quasi  necessariam  urget,  lib.  quaest,  in  Exod.  et  Epist,  ad  Ianuarium  2.,  in  eo  cuperem  magis  sobrium  et  modestum  esse.  Fruatur  tamen  ipse  suo  sensu.  Ego  interea  quod  magis  solidum  est  amplector:  festo  die,  quo  Ierosolymam  confluere  solebat  ingens  hominum  multitudo,  editum  fuisse  miraculum,  ut  illustrius  redderetur.  Et  certe  hac  occasione  in  ultimos  usque  terrae  fines  sparsum  fuit:  ut  mox  videbimus.  Eodem  consilio  saepe  Christus  Ierosolymam  adscendit  diebus  festis,  quo  pluribus  innotescerent  virtutes  quas  edebat:  atque  ut  in  maiore  hominum  frequentia  uberior  esset  doctrinae  fructus.  Sic  enim  postea  referet  Lucas  (Act.  20,16),  Paulum  festinasse,  ut  ante  diem  pentecostes  Ierosolymam  perveniret,  non  religione  aliqua,  sed  propter  frequentiorem  conventum  quo  pluribus  prodesset.  Ergo  in  diei  electione  miraculi  utilitas  spectata  fuit:  primum  ut  Ierosolymae  magis  celebraretur:  quia  tunc  ad  consideranda  Dei  opera  magis  attenti  erant  Iudaei:  deinde,  ut  in  regiones  procul  dissitas  perveniret  eius  fama.  Diem  vero  quinquagesimum  vocabant,  facta  a  primitiis  supputatione.  2.  3.  Factus  est  repente.  Donum  visibile  esse  oportuit,  ut  sensus  corporalis  discipulos  magis  excitaret.  Nam,  quae  nostra  est  segnities  ad  aestimanda  Dei  dona,  nisi  sensus  omnes  nostros  prius  expergefaciat,  virtus  eius  incognita  praeteribit  ac  effluet.  Haec  igitur  praeparatio  fuit  quo  melius  agnoscerent  iam  adesse  promissum  a  Christo  spiri-