46:25  25  SERMON  HI.  26  combien  que  nous  soyons  si  povres  et  si  miserables,  neantmoins  qu'il  veut  que  nous  ayons  ceste  hardiesse  d'aller  a  luy,  et  le  reclamer,  declarant  qu'il  nous  ouvrira  la  porte,  et  qu'il  nous  tend  la  main,  et  les  bras,  afin  que  nous  venions  familierement  a  luy?  Quand  nous  scavons  cela,  ne  faut-ii  pas  que  nous  soyons  tant  plus  enflammez  a  nous  exercer  en  prieres  et  oraisons  tout  le  temps  de  nostre  vie?  Et  pourtant,  avisons  bien  de  ne  profaner  une  chose  si  saincte  et  si  precieuse,  puis  qu'il  est  dit  que  nos  oraisons  sont  des  perfums:  voire  par  similitude  prinse  des  hommes.  Car  Dieu  ne  s'amuse  point  a  ces  choses  externes.  Mais  d'autant  qu'il  a  monstre  cela  par  ceste  figure  de  la  Loy,  et  que  par  nostre  Seigneur  Iesus  Christ  nous  en  sommes  auiourd'huy  certifiez,  avisons  de  ne  point  profaner  une  chose  si  saincte,  c'est  a  scavoir  quand  nous  devons  invoquer  Dieu,  que  nous  j  venions  avec  crainte  et  humilite,  ayans  les  testes  baissees,  faisans  confession  de  nos  pechez  avec  une  vraye  repentance:  et  puis,  estans  eslevez  par  foy  a  luy,  d'autant  que  nous  scavons