45:25  25  LUC.  I.  26  significat  sponso  promissam  tunc  fuisse  virginem,  non  autem  marito  uxorem  traditam.  Solenne  enim  apud  Iudaeos  erat  parentibus,  filias  apud  se  domi  aliquamdiu  tenere,  postquam  eas  viris  desponderant:  alioqui  lex,  quae  de  sponsae  corruptione  exstat  Deuteron.  22,  13,  supervacua  fuisset.  Ioseph  dicit  Lucas  fuisse  ex  genere  David,  quia  familiae  virorum  nominibus  censeri  solent:  qua  de  re  alibi  plura  dieturi  sumus.  28.  Ave,  gratiam  consequuta.  Quia  stupenda  et  fere  incredibilis  erat  legatio,  a  commendatione  gratiae  Dei  praefatur  angelus.  Et  certe  quum  pro  tenui  intelligentiae  suae  modulo  magis  angustae  sint  nostrae  mentes,  quam  ut  immensam  operum  Dei  magnitudinem  capiant,  optimum  hoc  remedium  est,  quum  eas  ad  meditandam  gratiae  eius  infinitatem  erigimus.  Quum  ergo  fidei  ianua  sit  sensus  divinae  bonitatis,  merito  hunc  ordinem  tenet  angelus,  ut  gratiae  Dei  meditatione  pectus  virginis  imbuendo  ipsum  ad  capiendum  incomprehensibile  mysterium  dilatet.  Nam  participium  x6xapiTa>|iev7],  quo  utitur  Lucas,  gratuitum  Dei  favorem  exprimit,  sicuti  clarius  patet  ex  primo  ad  Ephesios  cap.  v.  6,  ubi  Paulus  de  nostra  cum  Deo  reconciliatione  tractans,  Deus,  inquit,  nos  in  filio  suo  dilectu  iyjxcixiAoev,  hoc  est,  recepit  in  suam  gratiam  et  favore  complexus  est,  qui  prius  inimici  eramus.  Postea  subiicit  angelus,  Deum  cum  ipsa  esse.  Nam  quos  amore  suo  dignatus  est  semel  Deus,  illis  se  propitium  et  beneficum  exhibet,  suisque  beneficiis  ornat  et  prosequitur.  Ideo  additur  tertium  membrum,  quod  benedicta  sit  inter  mulieres.  Benedictionem  enim  tanquam  effectum  et  probationem  divini  favoris  ponit.  Neque  enim  pro  laude  hic,  meo  iudicio,  capitur,  sed  potius  felicitatem  notat.  Sic  Paulus  gratiam  primum,  deinde  pacem,  hoc  est,  omne  bonorum  genus  fidelibus  precari  solet,  significans,  nos  tunc  demum  beatos  et  divites  fore,  si  a  Deo  bonorum  omnium  autore  amemur.  Quodsi  Mariae  felicitas,  iustitia  et  vita  ex  gratuito  Dei  amore  fluant,  eius  virtutes  totaque  excellentia  mera  est  Dei  liberalitas:  plus  quam  praepostere  faciunt,  qui  ab  ea  petendum  docent  quod  aliunde  nobiscum  habet.  Nimis  vero  crassa  inscitia  papistae  salutationem  hanc  quasi  magico  exorcismo  in  preculam  verterunt,  atque  eo  prorupit  vesania,  ut  concionatoribus  fas  non  sit,  spiritus  gratiam  pro  suggestu  petere,  nisi  per  suum  Ave  Maria.  Atqui  praeterquam  quod  sola  gratulatio  hic  habetur,  temere  sibi  alienum  officium  usurpant,  quod  Deus  non  nisi  angelo  iniunxit:  bis  autem  stulta  aemulatio,  quod  absentem  salutant.  29.  Quum  vidisset,  turbata  est  Non  dicit  Lucas,  turbatam  fuisse  adspectu  angeli,  sed  super  eius  sermone.  Cur  ergo  adspectus  etiam  meminit?  Hanc  ego  esse  causam  interpretor,  quod  aliquid  coelestis  gloriae  in  angelo  agnoscens  Maria  subitum  pavorem