43:25  25  CAPUT  IL  coarguendis.  Postea,  quemadmodum  dictum  fuit,  opportune  disseret  de  fictitio  cultu,  quem  susceperant  reiecta  lege  Dei.  Sequitur:  7.  Anhelantes  super  pulverem  terrae  ad  caput  inopum,  viam  miserorum  (vel  pauperum)  deflectere  facient:  vir  et  pater  eius  ingredientur  ad  puellam  ut  profanent  nomen  sanctum  meum  (vel  nomen  sanctitatis  meae).  Hic  inexplebilem  avaritiam  primo  accusat  Amos,  quod  scilicet  anhelent  ad  capita  pauperum  super  pulverem  terras.  Male  intelligitur  hic  locus  meo  iudicio.  FjNt?  significat  anhelare,  et  respirare:  metaphorice  etiam  saepe  capitur  pro  appetere.  Vertunt  igitur  quidam,  Appetunt  capita  pauperum  ad  pulverem  terrae,  hoc  est,  cupide  vident  deiectos  innoxios  homines,  et  prostratos  in  terram.  Sed  nihil  opus  est  multis  verbis  commentum  illud  refellere,  quod  videtis  esse  coactum.  Alii  exponunt  quod  sua  cupiditate  deiiciant  miseros  homines  in  pulverem.  Putant  igitur  coniungi  pravam  cupiditatem  simul  cum  violentia,  imo  affectum  ponunt  pro  ipso  actu.  Sed  quid  opus  est  confugere  ad  istos  extraneos  sensus,  quum  verba  prophetae  liquida  sint  et  clara  per  se?  Dicit  anhelare  ad  capita  pauperum  super  terram,  ac  si  diceret  non  contentos  ubi  deiecerint  miseros  homines,  -  adhuc  tamen  cupide  inhiare,  donec  ipsos  prorsus  interfecerint.  Nihil  ergo  mutandum,  vel  addendum  est  in  prophetae  verbis  quae  optime  conveniunt,  quod  scilicet  suspirent  prae  cupiditate  ad  capita  pauperum,  ubi  tamen  iam  deiecti  sunt,  et  prostrati  in  pulverem:  debebant  saturari  ista  miseria,  quum  viderent  pauperes  sibi  esse  obnoxios,  et  iacere  sub  pedibus  suis.  Ubi  autem  adhuc  inexplebilis  cupiditas  eos  inflammat,  ut  maiorem  poenam  expetant  de  pauperibus  et  miseris  hominibus,  nonne  belluina  est  prorsus  ista  rabies?  Nunc  ergo  tenemus  consilium  prophetae.  Postea  ostendit  denuo  quod  prius  dixit  superiore  versu,  Israelitas  scilicet  deditos  esse  rapacitati,  avaritiae,  et  omnibus  modis  esse  crudeles.  Tandem  addit,  et  viam  miserorum  pervertunt.  Adhuc  invehitur  in  ipsos  iudices.  Neque  enim  quadrare  potest  hoc  in  privatos  homines,  sed  proprie  in  iudices  competit,  quod  pretio  corrupti  tollunt  ius  omne,  et  aequitatem  labefactant:  ita  ut  qui  optimam  causam  attulerit,  tamen  discedat  vacuus,  quia  scilicet  non  affert  satis  amplam  mercedem.  Nunc  ergo  videmus  quodnam  crimen  accuset  in  Israelitis.  Iam  sequitur  alia  obiurgatio  contra  libidines.  Sequitur  in  versu  septimo,  filium  et  patrem  fuisse  ingressos  ad  eandem  puellam:  ubi  propheta  accusat  effraenes  libidines,  quae  tunc  regnabant  in  populo  Israel,  ut  promiscui  essent,  atque  etiam  in-