42:25  25  SUR  LB  XI.  CHAP.  DE  DANIEL.  26  roy  Antiochus  le  grand,  se  voiant  trop  debile,  pour  venir  a  bout  du  royaume  d'Egypte  traitta  quelques  alliances,  et  s'alla  conioindre  au  roy  de  Macedone,  nomme  Philippes  qui  fut  le  penultieme  du  pays,  car  il  avoit  son  bastard  Theseus,  qui  fut  prins  des  Romains,  or  cela  fut  agreable  a  ce  roy  Antiochus,  car  desia  il  avoit  ce  propos  de  reprimer  les  Romains,  et  aussi  la  cause  de  l'alliance  vint  de  la,  car  les  Romains  voulans  tousiours  gaigner  pays  sous  umbre  de  tutelle,  avoient  envoie  pour  gouverner  le  royaume  d'Egypte:  le  roy  donc  Antiochus  le  grand  se  conioint  a  Philippes  qui  estoit  desia  ancien  d'aage,  il  luy  semble  bien  que  quand  ils  auront  quelque  intelligence  ensemble,  ce  sera  pour  rembarrer  les  Romains,  qui  faisoient  de  telles  entreprinses,  ainsi  donc  cette  alliance  faite,  attira  une  longue  queue,  et  voila  pourquoy  l'ange  predit  a  Daniel,  que  beaucoup  de  gens  s'esleveront  a  l'encontre  du  roy  de  Midi,  c'est  a  dire  du  roy  d'Egypte.  Or  il  dit  qu'alors  le  roy  d'Aquilon,  c'est  a  dire  le  roy  de  Syrie,  cet  Antiochus  le  grand  fera  a  son  plaisir,  il  est  vray  qu'il  se  verra  encores  empesche,  combien  qu'il  eust  alliance  avec  Philippes  le  roy  de  Macedone,  combien  qu'il  eust  delibere  de  guerroier  contre  les  Romains,  si  est-ce  toutesfois  qu'a  la  fin  il  se  trouve  bien  petit,  et  est  tant  empesche  qu'il  donne  sa  fille  au  roy  d'Egypte,  a  ce  Ptolomee  illustre  (dont  nous  avons  parle  par  ci  devant)  lequel  estoit  encores  ieune  homme,  et  le  trompa  par  ce  moien  la,  car  il  le  faisoit  a  fin  de  se  ruer  sur  les  Egyptiens,  comme  il  le  pouvoit  bien  faire,  s'il  fust  venu  a  bout  de  son  entreprinse,  mais  a  fin  qu'on  ne  se  doutast  de  sa  finesse,  il  ne  vouloit  point  entrer  au  royaume  d'Egypte  par  force,  aussi  scavoitil  bien  que  toutes  les  villes  du  pays  estoient  bien  munies,  et  pourtant  il  donne  sa  fille  Cleopatra  a  ce  Ptolomee,  et  estoit  cette  fille  fort  belle,  et  excellente,  mais  il  dit  que  cette  femme  ne  tiendra  point  son  parti,  car  elle  feist  son  devoir,  elle  ne  veut  point  obeir  a  son  pere  en  ses  meschancetes:  or  cependant  il  attire  a  soy  les  villes  de  Syrie,  qui  avoient  este  tenues  auparavant  par  les  roys  d'Egypte,  il  est  vray  qu'il  s'en  fait  bien  seigneur,  fonder  et  maistre,  mais  il  assigne  une  partie  des  tributs  a  son  gendre  Ptolomee,  et  voila  comme  le  pays  de  Iudee  est  foule.  Or  maintenant  venons  a  la  cause  pourquoy  l'ange  predit  toutes  ces  causes  ici,  ce  n'est  point  a  fin  que  Daniel  et  le  reste  des  fideles  conneussent  telles  histoires  tant  seulement,  mais  pour  ce  que  cela  leur  attouchoit  (comme  desia  nous  avons  dit),  qu'il  ne  parle  point  des  guerres,  et  des  grands  orages  qui  sont  advenus  de  ce  temps  la,  mais  de  celles  qui  attouchoient  a  l'Eglise  de  Dieu:  voila  donc  la  pauvre  Eglise  qui  est  assaillie  de  toutes  parts,  et  quiconque  gaigne,  il  faut  qu'il  se  vienne