4:25  25  LIVBE  III.  CHAPITRE  II.  26  fait  sentir  sa  misericorde  presente  comme  par  une  bouffee.  1)  II  n'y  a  que  les  eleus  ausquels  il  face  ce  bien  d'enraciner  la  foy  vive  en  leur  coeur,  pour  les  y  faire  perseverer  iusqu'en  la  fin.  Et  ainsi  l'obiection  qu'on  pourroit  faire  est  solue,  assavoir  que  si  Dieu  leur  monstre2)  sa  grace,  cela  devroit  estre  arreste  et  permanent.  Car  il  n'y  a  rien  qui  empesche  que  Dieu  ne  face  luire  en  d'aucuns  pour  un  temps  un  sentiment  de  sa  grace,  lequel  puis  apres  s'esvanouisse.  12.  Pareillement,  combien  que  la  foy  soit  une  cognoissance  de  la  bonne  volonte  de  Dieu  envers  nous,  et  une  certaine  persuasion  de  sa  verite,  toutesfois  ce  n'est  point  merveille  que  l'apprehension  qu'ont  les  legiers  et  inconstans  de  l'amour  de  Dieu,  s'esvanouisse.  Car  combien  qu'elle  soit  prochaine  de  la  foy,  si  differe-elle  beaucoup  d'avec  icelle.  Ie  confesse  bien  que  la  volonte  de  Dieu  est  immuable,  et  que  sa  verite  ne  varie:  mais  ie  dy'que  les  reprouvez  ne  parviennent  iamais  iusques  a  ceste  revelation  secrette  de  leur  salut,  laquelle  l'Escriture  n'attribue  sinon  aux  fideles.  Ie  nie  donc  qu'ils  comprennent  la  volonte  de  Dieu  selon  qu'elle  est  immuable,  ou  qu'ils  embrassent  constamment  sa  verite  :  pource  qu'ils  s'arrestent  en  un  sentiment  suiet  a  estre  esbranle,  et  a  s'escouler  mesme:  comme  un  arbre  qui  n'est  pas  plante  assez  profond  pour  ietter  racines  vives,  combien  que  par  quelques  ans  il  produise  fleurs  et  feuilles,  et  mesmes  quelques  fruicts,  toutesfois  par  succession  de  temps  deseiche  et  meurt.  En  somme,  si  l'image  de  Dieu  a  peu  estre  effacee  de  l'entendement  et  ame  du  premier  homme  a  cause  de  sa  rebellion,  ce  n'est  point  merveille  s'il  espand  quelques  rayons  de  sa  grace  sur  les  reprouvez,  et  puis  apres  souffre  qu'ils  s'esteignent.  Il  n'y  a  aussi  rien  qui  empesche  qu'il  ne  donne  aux  uns  quelque  legiere  et  volage  cognoissance  de  son  Evangile,  laquelle  s'efface,  a)  et  qu'il  ne  l'imprime  aux  autres  tellement  que  iamais  ils  n'en  soyent  privez.  Cependant  que  cest  article  nous  soit  resolu:  c'est,  quelque  petite  ou  debile  que  soit  la  foy  aux  eleus,  neantmoins  puis  que  l'Esprit  de  Dieu  leur  est  arre  et  gage  infaillible  de  leur  adoption,  que  l'engraveure  qu'il  met  en  leur  coeur  ne  se  peut  iamais  effacer.  Quant  a  ce  que  la  clarte  qu'ont  les  reprouvez,  n'est  sinon  comme  une  aspersion  laquelle  se  perd  et  vient  a  rien,  ce  n'est  pas  a  dire  que  le  sainct  Esprit  trompe  ou  fraude.  Car  il  ne  vivifie  pas  la  semence  qu'il  iette  en  leurs  coeurs,  potir  la  faire  demeurer  incorruptible  comme  aux  eleus.  Ie  passe  plus  outre,  c'est,  veu  que  l'experience  et  l'Escriture  nous  mons-  1)  comme  par  une  bouffee,  n'est  pas  dans  le  latin.  2)  Le  latin  ajoute:  vere,  ce  qui  est  absolument  necessaire  pour  le  sens.  3)  laquelle  s'efface,  ne  se  trouve  pas  dans  le  latin.