37:25  25  CAPUT  XL.  26  virtus  in  sui  admirationem  rapiat.  Nec  in  re  supervacanea  operam  consumit:  adeo  enim  tardi  atque  hebetes  sumus,  ut  subinde  nos  excitari  atque  stimulari  oporteat.  Homines  quotidie  coelum  et  sidera  cernunt:  sed  quotusquisque  cogitat  de  eorum  autore?  Sic  homines  natura  formati  sunt,  ut  eos  ad  coelorum  contemplationem,  ex  qua  autorem  agnoscant,  natos  esse  appareat.  Nam  quum  reliqua  animantia  Deus  abiecerit  ad  pastum,  solum  hominem  erexit,  atque  ad  sui  quasi  domicilii  conspectum  excitavit.  Quod  etiam  praeclare  a  poeta  descriptum  est:  Pronaque  quum  spectent  animalia  caetera  terram,  Os  homini  sublime  dedit,  coelumque  videre  Iussit,  et  erectos  ad  sidera  toilere  vultus.1)  Ostendit  ergo  propheta  hominum  malignitatem,  qui  non  agnoscunt  de  Deo  quod  palam  ipsorum  oculis  obiicitur,  sed  pecudum  instar  rostrum  in  terram  defigunt:  quia  fieri  non  potest  quoties  sursum  oculos  tollimus  cum  aliqua  attentione,  quin  sensus  nostros  feriat  Dei  maiestas.  Et  stellas  nominans  clarius  exprimit  mirificum  ordinem,  qui  refulget  in  coelorum  aspectu,  clare  dictare  unum  esse  Deum  et  creatorem  mundi:  idque  fateri  cogentur  quicunque  in  tanta  copia  et  varietate  siderum  tam  distinctum  ordinem  et  cursum  tam  bene  moderatum  notabunt.  Nec  enim  fortuito  stellae  singulae  suam  sedem  occuparunt,  nec  temere  in  tanta  celeritate  aequabiles  tenent  progressus  :  atque  etiam  in  diversis  erroribus  ad  rectam  lineam  incedunt,  ut  ne  minimo  quidem  puncto  deflectant  a  via  divinitus  sibi  praescripta.  Itaque  mirabilis  earum  dispositio  Deum  autorem  atque  opificem  ostendit,  ut  oculos  aperire  nequeant  homines,  quin  Dei  maiestatem  in  eius  operibus  intueri  cogantur.  (Producens  ad  numerum  exercitum  eorum.)  Militiae  nomine  duo  comprehendit:  nempe  numerum  prope  infinitum  :  deinde  admirabilem  dispositionem.  Nec  enim  pauci  homines  exercitum  conficiunt,  ac  ne  mediocris  quidem  numerus,  nisi  adsint  multiplices  copiae.  Deinde  non  dicitur  exercitus,  cum  homines  temere  ac  sine  delectu  inter  se  conglomerati  miscentur  aut  vagantur  dispersi,  sed  ubi  decurionum,  centurionum,  millenariorum  aliorumque  ducum  ordines  constituti,  ubi  certo  iudicio  ordinatae  acies  ac  dispositae:  ita  mirifici  stellarum  ordines  et  certi  cursus  merito  exercitus  dici  possunt.  Per  vocem  numeri  significat  Deum  semper  ad  manum  habere  *)  Ovid.  Met.  I.  84  Editio  gallica  posterior  hos  versus  ipsa  jxsTajiopcpot:  Et  neantmoins  que  tout  autre  animal  Iette  tousiours  son  regard  principal  Encontre  bas,  Dieu  a  l'homme  a  donne  La  face  haute,  et  luy  a  ordonne  De  regarder  l'excellence  des  cieux,  Et  d'eslever  aux  estoilles  ses  yeux.