35:25  25  IOB  CHAP.  XXXII.  26  comme  un  argument  pour  magnifier  tant  mieux  la  grace  que  nous  aurons  recue:  et  cependant  que  nous  ne  soyons  point  transportez  voyans  telles  rebellions.  Et  quoi?  Les  hommes  suivent  leur  naturel,  ils  suivent  leur  teste:  et  cependant  ils  resistent  a  Dieu,  mais  c'est  d'autant  que  la  doctrine  de  l'Evangile  surmonte  tout  sens  humain,  et  qu'il  faut  que  Dieu  besongne  par  son  sainct  Esprit,  qu'il  ouvre  les  yeux,  ou  les  hommes  demeureront  tousiours  en  leur  bestise.  Au  reste  Eliu  la  dessus  conclud  que  les  grands  donc  ne  sont  pas  tousiours  sages,  et  que  les  gens  aagez  n'ont  quelquesfois  ni  intelligence,  ni  savoir,  ni  prudence  plus  que  les  autres.  Il  est  vrai  qu'Eliu  ne  veut  pas  ici  pervertir  Tordre  de  nature  (car  il  proteste  ci  dessus,  qu'il  a  voulu  escouter  les  anciens,  et  qu'il  estoit  tout  prest  de  s'assuiettir  a  leur  doctrine)  mais  il  signifie  ce  que  desia  nous  avons  touche,  que  Dieu  n'est  point  lie  a  l'aage  ni  aux  estats  ni  aux  qualitez  des  hommes.  Quand  il  plaira  a  Dieu  d'eslever  un  homme  en  dignite,  bien,  s'il  s'en  veut  servir  pour  le  salut  de  son  peuple,  il  lui  fera  grace  de  se  pouvoir  acquitter  de  son  office:  mais  autrement  il  le  destituera,  et  d'autant  qu'un  homme  sera  en  degre  eminent,  on  le  cognoistra  double  beste.  Exemple.  S'il  y  a  un  homme  qu'on  eslise  pour  annoncer  la  parole  de  Dieu,  et  bien,  si  Dieu  veut  faire  grace  a  son  Eglise,  il  douera  cest  homme-la  de  son  Esprit,  il  lui  donnera  intelligence  de  sa  parole,  et  dexterite  pour  la  savoir  appliquer  a  l'usage  du  peuple,  et  en  recueillir  bonne  doctrine,  il  lui  donnera  zele,  et  les  autres  choses  qui  sont  requises:  et  Dieu  se  monstre  la  si  manifestement,  que  nous  pouvons  dire  qu'il  a  le  soin  de  nous,  quand  il  distribue  ainsi  de  ses  graces  aux  hommes  en  ce  qui  est  requis  pour  nostre  profit.  Autant  en  est-il  de  ceux  qui  sont  en  la  iustice:  selon  qu'ils  ont  besoin  que  l'Esprit  de  Dieu  soit  double  en  eux,  aussi  quand  Dieu  s'en  veut  servir  il  leur  donne  une  vertu  puissante  pour  s'acquitter  de  leur  devoir.  Au  contraire,  si  Dieu  est  courrouce  contre  nous,  ceux  qui  seront  pour  annoncer  sa  parole  seront  des  bestes  qui  n'entendent  rien,  on  les  mesprisera  d'autant  qu'ils  desguiseront  les  choses,  que  la  bonne  doctrine  sera  denigree  et  profanee  sous  eux:  bref  a  grand'  peine  pourront-ils  estre  disciples,  tant  s'en  faut  qu'ils  soyent  bons  maistres.  Voila  donc  ce  qu'Eliu  a  ici  voulu  monstrer,  en  disant,  que  les  grands  ne  seront  point  sages,  et  que  les  anciens  ne  seront  pas  mieux  entendus:  comme  s'il  disoit,  il  ne  faut  pas  faire  ici  une  mesure  esgale  pour  dire,  Cest  homme  est  esleve  en  estat  et  dignite,  il  s'ensuit  donc  qu'il  est  savant:  il  ne  faut  point  tirer  une  telle  consequence  de  cela.  Et  pourquoi?  Car  Dieu  peut  bien  destituer  les  plus  grands,  tellement  que  ce  seront  des  grosses  bestes,  et