33:25  25  IOB  CHAP.  I.  26  este  fort  ancien:  mesmes  aucuns  Iuifs  ont  estime,  que  Moyse  fust  auteur  du  livre,  et  qu'il  avoit  baille  ce  miroir  icy  au  peuple,  a  fin  que  les  enfans  d'Abraham,  qui  estoyent  descendus  de  sa  race  cognussent  que  Dieu  avoit  faict  grace  a  d'autres  qui  n'estoyent  point  de  ceste  lignee,  et  qu'ils  eussent  honte  s'ils  ne  cheminoyent  purement  en  la  crainte  de  Dieu:  veu  que  cest  homme  qui  n'avoit  point  eu  la  marque  de  l'alliance,  qui  n'avoit  point  este  circoncis,  mais  estoit  Payen,  s'estoit  si  bien  gouverne.  Or  pource  que  cela  n'est  point  certain,  il  nous  le  faut  laisser  en  suspens.  Mais  prenons  ce  qui  est  sans  nulle  doute,  c'est  a  savoir,  que  le  sainct  Esprit  a  dicte  ce  livre  a  cest  usage,  a  savoir  que  les  Iuifs  cogneussent  que  Dieu  a  eu  des  gens  qui  Font  servi,  combien  qu'ils  ne  fussent  point  separez  d'avec  le  reste  du  monde,  et  combien  qu'ils  n'eussent  pas  le  signe  de  la  circoncision,  que  toutesfois  ils  ont  chemine  en  toute  purete  de  vie.  Les  Iuifs  cognoissans  cela,  ont  eu  occasion  d'estre  tant  plus  soigneux  a.  observer  la  Loy  de  Dieu,  et  puis  qu'il  leur  avoit  fait  ceste  grace  et  ce  privilege  de  les  recueillir  d'entre  toutes  les  nations  estranges,  qu'ils  avoyent  a  se  dedier  du  tout  a  luy.  Et  aussi  on  peut  appercevoir  par  le  livre  d'Ezechiel,  (14,14)  que  le  nom  de  Iob  estoit  renomme  entre  le  peuple  d'Israel:  car  nous  avons  veu  au  14.  chapitre,  qu'il  estoit  dit,  Que  si  Noe,  Iob,  et  Daniel  estoyent  trouvez  entre  le  peuple  qui  devoit  perir,  qu'ils  sauveroyent  seulement  leurs  ames,  et  que  le  reste  du  peuple  seroit  abysme.  Voila  le  Prophete  qui  parle  de  trois  hommes,  voire  comme  de  ceux  qui  estoyent  cognus  et  renommez  entre  les  Iuifs,  comme  desia  nous  avons  touche.  Et  ainsi  nous  voyons  quelle  est  l'intention  du  Sainct  Esprit,  c'est  a  savoir  que  les  Iuifs  eussent  un  miroir,  et  un  patron  pour  cognoistre,  comme  ils  avoyent  a  observer  la  doctrine  de  salut  qui  leur  estoit  donnee,  puis  que  cest  homme  qui  estoit  de  nation  estrange  s'estoit  ainsi  conserve  en  telle  purete.  Et  c'est  le  principal  que  nous  avons  a  retenir  du  nom  qui  est  icy  contenu,  quand  il  est  dit,  qu'il  estoit  de  la  terre  de  Hus.  Il  est  vray  que  ceste  terre  ici  par  aucuns  est  mise  plustost  en  l'Orient:  mais  il  y  a  au  4.  des  Lamentations  de  Ieremie  (v.  21)  le  mesme  mot,  mis  pour  signifier  une  partie  d'Idumee.  Nous  savons  que  les  Idumeens  estoyent  descendus  d'Esau.  Il  est  vray  qu'encores  ils  avoyent  la  circoncision,  mais  d'autant  qu'ils  s'estoyent  esgarez  de  l'Eglise  de  Dieu,  il  n'y  avoit  plus  de  signe  de  l'alliance.  Si  nous  prenons  donc  que  Iob  ait  este  de  la  terre  de  Hus,  il  estoit  Idumeen,  c'est  a  dire,  de  la  lignee  d'Esau.  Or  nous  savons  ce  qui  est  dit  par  le  Prophete,  (Malac.  1,  2)  combien  qu'Esau,  et  Iacob  fussent  freres  germains,  voire  d'une  ventree,  que  Dieu  avoit  choisi  Iacob  par  sa  pure  bonte  et  avoit  re-