3:25  25  AU  ROY  DE  FRANCE.  26  voit  estre  fait  de  plusieurs,  a  obtenu  droit  de  coustume.  Or1)  la  vie  des  hommes  n'a  iamais  esté  si  bien  reiglée,  que  les  meilleures  choses  pleussent  à  la  plus  grand'part:  donc  des  vices  particuliers  de  plusieurs  est  provenu  un  erreur  public,  ou  plustost  un  commun  consentement  de  vice,  lequel  ces  bons  preudhommes  veulent  maintenant  estre  pour  loy.  Ceux  qui  ne  sont  du  tout  aveugles,  apperçoivent  que  quasi  plusieurs  mers  de  maux  sont  desbordées  sur  la  terre,  et  que  tout  le  monde  est  corrompu  de  plusieurs  pestes  mortelles:  brief,  que  tout  tombe  en  ruine,  tellement  qu'il  faut  ou  du  tout  desesperer  des  choses  humaines  ou  mettre  ordre  à  tels  maux,  et  mesmes  par  remedes  violens.  Et  neantmoins  on  reiette  le  remede:  non  pour  autre  raison,  sinon  que  nous  sommes  desia  de  longue  main  accoustumez  aux  calamitez.  Mais  encores  que  l'erreur  public  ait  lieu  en  la  police  des  hommes,  toutesfois  au  Regne  de  Dieu,  sa  seule  eternelle  verité  doit  estre  escoutée  et  observée,  contre  laquelle  ne  vaut  aucune  prescription  ne  de  longues  années,  ne  de  coustume  ancienne,  ne  de  quelque  coniuration.  2  )  En  telle  maniere  iadis  Isaie  instruisoit  les  esleuz  de  Dieu  de  ne  dire  Conspiration,  par  tout  où  le  peuple  disoit  Conspiration  (Is.  8,  12):  c’est  à  dire  qu'ils  ne  conspirassent  ensemblement  en  la  conspiration  du  peuple,  et  qu'ils  ne  craignissent  de  leur  crainte,  ou  s'estonassent:  mais  plustost  qu'ils  sanctifiassent  le  Seigneur  des  armées,  et  que  luy  seul  fust  leur  crainte.  Ainsi,  que  maintenant3)  noz  adversaires  nous  obiectent  tant  d'exemples  qu'ils  voudront,  et  du  temps  passe  et  du  temps  present:  si  nous  sanctifions  le  Seigneur  des  armées,  ils  ne  nous  estonneront  pas4)  fort.  Car  soit  que  plusieurs  aages  ayent  accordé  à  une  mesme  impieté,  le  Seigneur  est  fort  pour  faire  vengeance  iusques  à5)  la  troisieme  et  quatrieme  generation:  soit  que  tout  le  monde  conspire  en  une  mesme  meschanceté,  il  nous  a  enseignez  par  experience  quelle  est  la  fin  de  ceux  qui  pechent