28:25  25  SUR  LE  DEUTER.  CHAP.  XXII.  26  s'einployent  la  a  son  service:  n'est-ce  pas  autant  comme  si  nous  reiettions  la  grace  que  Dieu  nous  fait,  quand  il  nous  met  la  devant  les  yeux  comme  un  miroir  du  devoir  que  nous  avons  envers  ceux  qu'il  nous  a  commis?  Il  est  bien  certain.  Que  si  nous  ne  sommes  desproveus  de  sens,  et  menez  d'une  rage  par  trop  cruelle,  nous  aurons  pitie  et  compassion  de  ces  povres  oiseaux,  quand  nous  voyons  qu'ils  exposent  la  leur  vie  pour  s'acquitter  de  leur  devoir.  Et  de  faict,  il  semble  qu'on  vueille  despitter  Dieu  et  nature,  quand  on  prendra  ainsi  les  meres  sur  les  petis  :  car  elles  sont  si  maigres,  qu'elles  en  sont  quasi  esclines.  Or  nostre  Seigneur  a  voulu  retenir  les  hommes,  et  monstrer  que  leurs  appettis  sont  du  tout  desbordez.  Comme  s'il  disoit:  Et  que  voulez-vous  faire?  Vous  voyez  qu'il  n'y  a  la  nulle  substance.  Car  cependant  que  ie  les  ay  prins  a  ma  sauvegarde,  elles  ne  sont  point  bonnes  pour  vostre  nourriture.  Si  donc  sans  avoir  esgard  a  cela,  quelcun  est  si  cruel  envers  les  oiseaux:  il  est  certain  qu'il  sera  aussi  cruel  envers  ses  prochains.  Et  celuy  qui  ne  fera  nulle  difficulte  ni  scrupule  de  meurtrir  les  oiseaux  cependant  qu'ils  font  leur  office,  il  coupperoit  aussi  la  gorge  a  son  prochain,  s'il  pensoit  en  avoir  quelque  proye.  Maintenant  donc  nous  voyons  pourquoy  nostre  Seigneur  a  declaire  qu'il  vouloit  que  les  meres  des  oiseaux  fussent  gardees,  quand  on  prendra  les  petis.  Par  cela  nous  sommes  enseignez  de  tellement  user  des  creatures  de  Dieu,  que  l'usage  en  soit  reigle:  voire,  et  sur  tout  que  nous  advisions  de  nous  exercer  a  pitie  et  compassion  en  toute  nostre  vie.  Car  voila  ou  on  doit  rapporter  ce  commandement.  Comme  i'ay  desia  dit:  Dieu  ne  s'est  point  arreste  aux  oiseaux,  pour  mettre  la  quelque  grande  perfection:  mais  il  nous  a  voulu  du  plus  petit  au  plus  grand  enseigner  comme  nous  devons  converser  avec  nos  prochains.  Quand  donc  nous  verrons  quelcun  qui  fera  son  devoir,  si  nous  le  troublons  en  cela,  et  que  sous  ombre  qu'il  est  occupe  a  s'acquitter  envers  Dieu,  et  envers  ceux  ausquels  il  est  tenu,  que  nous  luy  venions  faire  quelque  moleste:  que  nous  sommes  coulpables  au  double.  Quand  une  nourrice  et  une  mere  fera  son  devoir  envers  son  enfant,  si  on  la  tourmente  la  dessus:  il  est  certain  qu'il  y  a  double  cruaute.  C'est  l'instruction  que  nous  devons  recevoir,  qu'un  chacun  s'employe  a  aider  ses  prochains,  quand  nous  voyons  qu'ils  travaillent  pour  faire  ce  qui  leur  est  ordonne  de  Dieu,  que  nous  taschions  a  les  secourir,  et  que  personne  ne  soit  trouble  ne  moleste  en  cest  endroict.  Car  s'il  n'est  point  licite  de  venir  troubler  les  oiseaux,  que  devons-nous  faire  au  prix  envers  ceux  qui  sont  conioints  avec  nous,  comme  nos  freres,  ainsi  qu'il  en  a  este  traitte  par  ci  devant?  Or  il  s'ensuit:  Que  quand  on  bastira  des  maisons,  qu'on  face  des  appuis,  ou  des  barres  tout  a