27:25  25  SUR  LE  DEUTER.  CHAR  X.  26  distraits  de  toutes  occupations  mondaines,  afin  qu'ils  peussent  vacquer  au  service  divin.  Dieu  donc  n'a  point  voulu  que  les  enfans  de  Levi  s'occupassent  a  cultiver  les  champs,  et  autres  choses  semblables.  Et  pourquoy?  Car  s'ils  se  fussent  acquittez  de  leur  devoir,  c'estoit  bien  assez:  c'est  assavoir  d'inciter  le  peuple  a  suyvre  les  commandemens  de  Dieu,  et  les  tenir  en  l'alliance,  afin  que  la  religion  demeurast  en  son  entier,  que  la  foy  eust  sa  vigueur:  et  puis  que  Dieu  fust  honore.  Il  y  avoit  aussi  les  sacrifices  qui  leur  servoyent  de  Sacremens  :  et  pour  ce  temps-la  ils  estoyent  en  grande  multitude,  pource  que  le  peuple  ne  pouvoit  pas  estre  autrement  nourri:  il  eust  este  facilement  corrompu,  sinon  qu'il  fust  retenu  par  plusieurs  brides.  C'estoit  donc  assez  d'occupation  pour  la  lignee  de  Levi.  Et  voila  pourquoy  Dieu  leur  a  baille  portion  sur  les  decimes,  qu'il  a  voulu  qu'ils  fussent  nourris,  et  substantez,  voire  s'acquittans  de  leur  charge.  Or  ceci  a  este  corrompu  et  falsifie  par  les  Papistes  :  car  ils  ont  pretendu,  que  de  droict  divin  les  decimes  leur  appartenoyent.  Pourquoy?  Ils  ont  este  aux  Levites  :  mais  ils  n'ont  pas  considere  que  les  Levites  estoyent  heritiers  de  la  terre  de  Canaan  aussi  bien  que  ceux  de  la  lignee  de  Iuda,  ou  de  Beniamin,  d'Ephraim,  et  de  Manasse,  et  de  tout  le  reste:  il  falloit  donc  qu'ils  eussent  portion  avec  leurs  freres,  et  n'en  devoyent  point  estre  exclus,  ni  bannis:  car  l'heritage  leur  estoit  commun:  il  falloit  qu'ils  le  possedassent  en  partie:  or  Dieu  les  recompense  en  autre  facon.  Il  faudroit  donc  que  le  Pape,  et  tous  les  siens  monstrassent  que  le  fond  des  heritages  leur  appartient,  et  puis  qu'ils  demandassent  les  decimes  sur  cela.  Voila  donc  comme  ce  passage  a  este  falsifie.  Mais  cependant  notons  ce  que  dit  sainct  Paul,  c'est  assavoir  que  Dieu  veut  auiourd'huy,  que  ceux  qui  preschent  l'Evangile  soyent  nourris,  et  sustantez:  comme  il  a  assigne  nourriture  aux  sacrificateurs.  S.  Paul  fait  comparaison,  assavoir,  si  le  service  spirituel  qui  est  auiourd'huy  rendu  a  Dieu,  ne  doit  point  estre  pour  le  moins  autant  prise,  que  celuy  qui  estoit  sous  les  figures  de  la  Loy?  Or  Dieu  a  voulu  que  ceux  qui  servoyent  a  l'autel,  fussent  nourris  de  l'autel:  c'est  donc  bien  raison  qu'auiourd'huy  ceux  qui  servent  a  l'Eglise  de  Dieu  en  portant  sa  parolle,  soyent  nourris  et  sustantez.  Et  voila  comment  ce  passage  sera  deuement  entendu,  c'est  assavoir  quand  nous  prendrons  S.  Paul  pour  expositeur  d'iceluy:  mais  de  conclurre  precisement  que  les  decimes  doivent  estre  a  ceux  qui  preschent  la  parolle  de  Dieu,  c'est  un  abus,  et  une  sottise  par  trop  lourde.  Mais  cependant  notons  aussi  que  nostre  Seigneur  ne  veut  point  qu'on  nourrisse  en  son  Eglise  des  idoles,  ou  des  fay-neans,  et  tant  moins  gens  qui  pervertissent  tout  ordre,  et  qui  destournent  le  peuple  de  son  service,  et  de  son