26:25  25  SUR  LE  DEUTER.  CHAP.  IL  26  vers  les  autres,  comme  nous  avons  les  yeux  bandez  souventesfois.  Si  on  nous  allegue  que  nous  devons  considerer  ce  que  Dieu  aura  fait  de  bien  a  nos  prochains,  nous  n'y  pensons  pas:  mais  quand  nous  entrons  en  nous  mesmes,  alors  nous  sommes  convaincus,  et  apprenons  que  c'est  de  quitter.  Voila  donc  la  lecon  commune  qui  nous  est  ici  donnee.  Comme  quoy  ?  cela  seroit  obscur,  s'il  n'estoit  declare  par  exemple.  Quand  en  general  il  nous  sera  dit,  Dieu  donne  a  chacun  ces,  qu'il  veut  qu'il  ait,  et  qu'il  possede:  ainsi  ceux  qui  pillent  leurs  prochains,  et  qui  usent  de  violence  et  d'extorsion,  combien  qu'ils  facent  la  guerre  aux  creatures,  ils  s'attachent  quant  et  quant  a  Dieu,  lequel  veut  qu'il  y  ait  un  ordre  garde  en  ce  monde.  Quand  on  dit  cela,  nous  n'en  sommes  point  persuadez.  Car  nous  avons  tousiours  quelque  vaine  phantasie  pour  nous  esblouir  les  yeux.  Comment?  Que  celuy-la  soit  riche  par  la  volonte  de  Dieu?  et  que  say-ie?  Ou  bien  ie  voy  qu'il  s'est  enrichi  par  mauvais  moyens.  Nous  ne  ferons  point  de  difficulte  de  prendre  cela  tout  au  rebours.  Et  pourquoy?  Nous  ne  cognoissons  point  la  grace  de  Dieu  en  nos  prochains.  Mais  si  on  nous  declare:  Or  ca,  ce  que  Dieu  t'a  donne  il  luy  en  faut  faire  hommage,  c'est  a  ceste  condition  quand  tu  le  cognoistras,  qu'il  t'en  fera  iouir,  et  que  la  iouissance  en  sera  perpetuelle:  et  puis,  que  selon  la  faculte  qu'il  saura  donnee,  tu  advises  d'en  secourir  a  tes  prochains:  que  si  tu  y  procedes  ainsi,  le  tout  te  sera  converti  en  benediction.  Nous  voyons  donc  maintenant  a  quel  propos  ceste  admonition  a  este  ici  amenee  par  Moyse,  et  comme  nous  la  devons  pratiquer.  Et  cependant  en  general,  notons  que  les  changemens  qui  adviennent,  ne  sont  pas  sans  la  main  de  Dieu,  ne  sans  son  conseil.  Quand  nous  voyons  un  peuple  robuste,  que  nous  voyons  des  villes  fortes  et  bien  munies,  que  nous  voyons  d'autres  moyens  pour  conserver  un  pays,  et  cependant  que  cela  est  matte  par  les  ennemis:  qu'il  faut  bien  penser  que  Dieu  a  la  besongne.  Et  ainsi  apprenons  de  contempler  ses  iugemens  en  toutes  les  revolutions  qui  se  voyent  au  monde.  Et  combien  que  les  choses  soyent  troublees:  cognoissons  que  Dieu  gouverne  par  dessus.  Il  est  vray  que  les  hommes  se  mutineront,  et  qu'ils  iront  en  confus,  et  que  quand  ils  remuent  mesnage,  il  semble  que  Dieu  soit  exclus:  mais  tout  ce  qu'ils  auront  machine,  n'empeschera  pas  que  Dieu  ne  tourne  tout  a  telle  fin  qu'il  a  propose  en  son  conseil.  Et  ainsi,  comme  i'ay  desia  touche,  que  nous  ne  pensions  point  que  fortune  domine  en  ce  monde:  mais  cognoissons  que  Dieu  s'est  reserve  la  superintendence  pour  amener  mesmes  tous  les  troubles  que  les  hommes  entreprennent,  a,  telle  fin  qu'il  aura  ordonne,  pour  punir  les  pechez  de  ceux  qui  l'offensent,  pour  abbattre  l'orgueil  de  ceux  qui  s'eslevent  par