24:25  25  COMMENTARIUS  IN  EXODI  CAP.  II.  26  uno  capite  augeret  hostium  numerum.  Et  certe  credibile  vix  erat  posse  diu  tolerari  in  aula  tyranni,  et  inter  saevissimos  Israelis  inimicos,  quin  se  profiteretur  eiusdem  odii  socium.  Scimus  quibus  corruptelis  scateant  aulae,  quanta  fuerit  Aegyptiorum  superbia  satis  notum  est,  quam  proclive  sit  optimas  etiam  quasque  naturas  deliciis  fascinari,  experientia  docet:  quo  magis  mirum  est  Mosen  ubi  in  illos  gurgites  demersus  fuit,  rectum  integrumque  tamen  perstitisse.  Certe  hic  spes  redemptionis  iterum  potuit  quasi  novam  eclipsin  pati,  quia  in  contrariam  partem  aversus  erat  cursus:  sed  ita  Dei  providentia,  quo  magis  videtur  per  obliquos  flexus  se  circumagere,  eo  tandem  mirabiliter  apparet,  dum  a  recto  fine  nunquam  aberrat,  aut  caret  suo  effectu,  ubi  matura  est  opportunitas.  Quanquam  Deus  quasi  extenta  manu  servum  suum  ad  se  et  ecclefiae  corpus  retraxit,  ubi  in  nomine  suggessit  originis  suae  memoriam.  Neque  enim  filia  regis  sine  praeeunte  Dei  spiritu  nomen  hoc  indidit:  unde  cognosceret  Moses  se  fuisse  extractum  e  fluvio  ubi  mox  periturus  erat.  Quoties  ergo  nomen  suum  audivit,  recordari  oportuit  ex  quo  populo  esset  genitus.  Acriore  etiam  stimulo  pungi  debuit,  quum  omnibus  passim  res  nota  esset.  Minime  quidem  id  spectavit  filia  regis,  quae  potius  sepultam  esse  generis  memoriam  optasset:  verum  Deus  quia  verba  dictavit  ac  formavit  asinae  Balaam,  idem  impulit  linguam  huius  feminae  ut  celebri  praeconio  testis  foret  eius  rei  quam  maluisset  esse  incognitam:  et  quamvis  Mosen  vellet  apud  se  retinere,  directrix  tamen  eidem  esset  ac  magistra  ad  repetendum  genus  suum.  Iam  si  quis  miretur  quod  patris  iracundiam  non  fuerit  verita,  quasi  monumentum  statuendo  violati  edicti,  facilis  responsio  est,  nullam  tyranno  fuisse  causam  offensionis,  qui  libenter  tulisset  multa  sibi  nasci  mancipia,  abolito  Israelis  nomine.  Quorsum  enim  feminis  concesserat  vitam,  nisi  ut  ex  ancillis  nascerentur  Aegyptii?  Et  quia  Mosen  duxit  hoc  loco,  non  putavit  filiae  facto  violatum  suum  edictum:  quin  potius  gavisus  est  sic  imminui  gentem  Israeliticam  ut  cresceret  Aegyptus  numero  hominum.  Tantum  restat  una  quaestio,  qui  venerit  in  mentem  filiae  Pharaonis  nomen  Hebraicum  Mosi  imponere,  quum  certum  sit  ex  Psalmo  81,  6  magnum  inter  duas  illas  linguas  fuisse  dissidium:  Venit  populus  meus  in  Aegyptum:  linguam  quam  non  noverat  audivit.  Ad  haec,  scitur  Ioseph  interprete  fuisse  usum  apud  fratres,  dum  se  Aegyptium  simulabat  (Gen.  42,  23).  Probabilis  est  coniectura,  vocem  quae  significationi  conveniret,  petiisse  a  matre  Mosis.  Nisi  magis  placeat,  redditam  fuisse  Aegyptiacam  vocem  servata  etymologia:  quod  secundum  magis  amplector.  Exsul  deinde  Moses  impositum  a  matre  nomen  recepit.  l  l  .  Factum  autem  est  diebus  illis,  quum  adole-