23:25  25  COMMENTARIUS  IN  GENESIN.  26  26.  Faciamus  hominem.  Tametsi  futurum  est  tempus,  nemo  tamen  non  fatetur  esse  hunc  quasi  deliberantis  sermonem.  Hactenus  simpliciter  iubentem  Deum  induxit:  nunc  ubi  ad  opus  omnium  praestantissimum  ventum  est,  consultationem  adhibet.  Poterat  certe  Deus  hic  quoque  nudo  verbo  mandare  quid  fieri  vellet  :  sed  hominis  excellentiae  dare  hoc  voluit,  ut  de  eius  creatione  in  consilium  quodammodo  iret.  Hic  summus  est  honos  quo  nos  dignatus  est:  ad  quem  reputandum  hac  loquutione  studia  nostra  accendere  voluit  Moses.  Neque  enim  cogitare  nunc  demum  incipit  Deus  quam  homini  formam  daturus  sit,  quibus  eum  dotibus  ornari  conveniat,  neque  tanquam  in  re  difficili  subsistit:  sed  quemadmodum  ante  monuimus  mundi  creationem  in  sex  dies  nostra  causa  fuisse  distributam,  quo  melius  in  meditandis  Dei  operibus  retineantur  mentes  nostrae:  ita  nunc,  ut  naturae  nostrae  dignitatem  nobis  commendet,  de  homine  creando  consultationem  suscipiens,  magnum  se  quiddam  et  singulare  aggredi  testatur.  Multa  quidem  sunt  in  hac  corrupta  natura  quae  possint  contemptum  inducere:  verum  si  omnia  rite  expendas,  est  homo  eximium  quoddam  inter  alias  creaturas  divinae  sapientiae,  iustitiae  et  bonitatis  specimen  :  ut  merito  a  veteribus  dictus  sit  lAvxQOxoafxoc.  Caeterum  quum  alio  consultore  non  indigeat  Dominus,  quin  secum  ipse  deliberet  minime  dubium  est.  Ac  omnino  ridiculi  sunt  Iudaei,  dum  fingunt  Deum  cum  terra  vel  angelis  communicasse  sermonem:  terra  scilicet  optima  consiliaria  erat.  Minimam  vero  tam  praeclari  operis  partem  angelis  adscribere,  abominandum  sacrilegium  est.  Nos  vero  ad  imaginem  terrae  vel  angelorum  creatos  esse  ubi  reperient?  annon  Moses  statim  omnes  creaturas  diserte  excludit,  quum  refert,  ad  imaginem  Dei  creatum  fuisse  Adam?  Alii  qui  sibi  acutiores  videntur,  bis  insulsi,  Deum  principum  more  de  se  in  numero  plurali  loquutum  dicunt.  Quasi  vero  ea  barbaries  quae  a  paucis  sacculis  invaluit,  iam  tunc  regnaret  in  mundo.  Sed  bene  habet  quod  canina  eorum  improbitas  cum  tanto  stupore  coniuncta  est,  ut  stultitiam  suam  pueris  prodant.  Christiani  igitur  apposite  plures  subesse  in  Deo  personas  ex  hoc  testimonio  contendunt.  Neminem  extraneum  advocat  Deus:  hinc  colligimus,  intus  eum  aliquid  distinctum  invenire:  ut  certe  aeterna  eius  sapientia  et  virtus  in  ipso  resident.  In  imagine  nostra.  De  istis  vocibus  interpretes  non  consentiunt.  Inter  plerosque  tamen,  et  fere  omnes,  convenit,  imaginem  a  similitudine  distingui.  Atque  haec  fere  communis  est  distinctio,  ut  imago  sit  in  substantia,  similitudo  in  accidentibus.  Qui  breviter  definire  volunt,  sub  imagine  tradunt  contineri  dotes  quas  Deus  in  humanam  naturam  contulit:  similitudinem  exponunt  dona  gratuita.  Caeterum  Augustinus  prae  aliis  nimium  argute  philo-