21:25  25  PAR  THEODORE  DE  BEZE  clos  la  bouche  a  ce  glorieux  Cardinal  Sadolet  que  cestuy  la  mesmes?  Qui  a  plus  heureusement  combattu  et  desfait  [page  8]  cest  amas  de  sangliers  assemblez  pour  degaster  la  vigne  du  Seigneur?  Qui  a  mieux  ne  plus  droit  navre  l'Antechrist  a  la  mort?  Qui  a  plus  courageusement  et  plus  pertinemment  respondu  a  ce  malheureux  INTERIM  qui  a  tant  trouble  l'Allemagne?  Ce  n'est  pas  tout.  Car  qui  a  este  plus  clair-voyant  a  cognoistre  et  redarguer  l'impiete  des  faux  Evangeliques  s'accommodans  a  toutes  gens?  Qui  a  plus  vivement  maintenu  la  purete  de  la  doctrine  contre  les  plus  dangereux  ennemis,  c'est  assavoir  ceux  qui  sous  ombre  de  paix  et  union  pretendent  de  corrompre  la  purete  d'icelle  ?  Quant  a  la  miserable  contention  esmeue  pour  le  faict  de  la  Cene,  voyant  le  feu  tant  allume,  tout  son  desir  fut  de  resteindre  par  une  claire  exposition  de  la  matiere,  sans  s'attacher  a  personne:  ce  qu'il  a  fait  si  bien  et  si  dextrement  que  qui  voudra  bien  considerer  ses  escrits  confessera  que  c'est  a  luy  apres  Dieu  qu'appartient  l'honneur  de  la  resolution  depuis  suivie  par  toutes  gens  de  bon  iugement.  Ce  neantmoins  Satan  s'efforca  tant  qu'il  luy  fut  possible  de  Pattirer  en  ceste  contention:  voire  mesmes  avec  l'Eglise  de  Zurich,  laquelle  entre  autres  il  a  tousiours  estimee  et  honoree.  Mais  ce  fut  en  vain.  Car  au  contraire  ayans  en  presence  confere  ensemble,  ils  demeurerent  entierement  [page  9]  d'accord:  et  fut  le  consentement  de  toutes  les  Eglises  de  Suisse  et  des  Grisons  dresse  et  imprime  en  plusieurs  langues  avec  grande  edification  parmi  tout  le  monde.  Cela  despleut  a  certains  opiniastres,  entre  lesquels  un  nomme  Ioach.  Westphale,  l'autre  Tileman  Heshusius  ont  este  les  plus  ardens  ennemis  de  verite  et  de  concorde.  Force  luy  fut  alors  d'entrer  au  combat  par  lequel  il  a  tellement  maintenu  la  verite  et  combattu  l'ignorance  et  impudence  de  tels  personnages  qu'il  en  a  acquis  louange  et  les  dessusdits  toute  vergongne:  voire  mesmes  entre  ceux  de  leur  secte  et  nation,  et  l'Eglise  de  Dieu  en  a  este  tant  plus  confermee  en  la  vraye  et  saine  doctrine.  Bref  ie  croy  qu'il  ne  se  trouvera  heresie  ancienne  ni  renouvellee,  ni  nouvellement  forgee  de  nostre  temps,  laquelle  il  n'ait  destruite  iusques  aux  fondemens.  Car  entre  autres  graces  excellentes  il  y  en  a  deux  qui  reluisoyent  en  luy,  c'est  assavoir  une  singuliere  vivacite  a  descouvrir  la  ou  gist  la  difficulte  des  matieres:  et  puis  aussi  une  dexterite  merveilleuse  a  coucher  ses  responses  sans  perdre  une  seule  parole  comme  tous  ceux-la  confesseront,  voire  mesmes  les  ennemis  de  l'Evangile,  qui  voudront  attentivement  lire  ses  escrits.  I'ay  omis  un  autre  monstre  qu'il  a  semblablement  desfait  encores  quen  c'est  endroit  [page  10]