2:25  PRAEFATIO  AD  REGEM  GALLIAE.  nequeunt,  concilium,  quantum  ad  externos  ritus  attinet,  fuisse  legitimum,  nec  ab  uno  tantum  pontifice,  sed  a  duobus  indictum.  Damnatus  est  illic  Eugenius  schismatis,  rebellionis,  pertinaciae,  cum  toto  cardinalium  et  episcoporum  grege  qui  cum  eo  concilii  dissolutionem  admoliti  erant.  Postea  tamen  principum  favore  sublevatus,  salvum  pontificatum  recepit.  Illa  Amedaei  electio,  generalis  et  sacrosanctae  synodi  autoritate  rite  peracta,  in  fumum  abiit;  nisi  quod  ipse  galero  cardinalitio,  ceu  canis  latrans  iniecta  offa,  placatus  est.  Ex  illorum  haereticorum,  rebellium  ac  pertinacium  gremio  prodiit  quidquid  postea  paparum,  cardinalium,  episcoporum,  abbatum,  presbyterorum  luit.  Hic  deprehensi  haereant  necesse  est.  Utram  enim  in  partem  ecclesiae  nomen  conferent?  negabuntne  concilium  generale  suisse,  cui  nihil  ad  exteriorem  maiestatem  deerat?  nempe  quod  duobus  diplomatibus  solenniter  indictum,  praesidente  romanae  sedis  legato  consecratum,  rerum  omnium  ordine  bene  compositum,  eadem  semper  dignitate  ad  extremum  perseveravit.  Fatebuntur  schismaticum  Eugenium  cum  tota  sua  cohorte,  a  qua  omnes  sanctificati  sunt?  Aut  igitur  ecclesiae  formam  aliter  definiant,  aut  quotquot  sunt,  habebuntur  a  nobis  schismatici,  qui  scientes  volentes  ab  haereticis  ordinati  sunt.  Quod  si  nunquam,  antea  compertum  fuisset,  externis  pompis  non  alligari  ecclesiam,  ipsi  prolixo  documento  nobis  esse  possunt,  qui  sub  specioso  illo  ecclesiae  titulo  tamdiu  se  orbi  superciliose  venditarunt,  quum  tamen  essent  exitiales  ecclesiae  pestes.  De  moribus  non  loquor,  et  tragicis  illis  facinoribus,  quibus  scatet  tota  eorum  vita:  quando  Pharisaeos  se  esse  aiunt,  qui  sint  audiendi,  non  imitandi.  Ipsam,  ipsam  doctrinam,  cui  id  deberi  aiunt  quod  sunt  ecclesia,  exitialem  animarum  carnificinam,  facem,  ruinam,  et  excidium  ecclesiae  esse  non  obscure  cognosces,  si  legendis  nostris  aliquantum  otii  tui  decidas.  Postremo,  non  satis  candide  faciunt,  quum  invidiose  commemorant  quantas  turbas,  tumultus,  contentiones'  secum  traxerit  nostrae  doctrinae  praedicatio,  et  quos  nunc  in  multis  fructus  ferat.  Nam  horum  malorum  culpa  indigne  in  ipsam  derivatur,  quae  in  satanae  malitiam  torqueri