19:25  25  1561  OCTOB,  26  sainct  ministere  qu'a  grand  peine  suffisoient  ils  pour  fornir  les  lieux  du  royaume  de  France  qui  desirent  des  pasteurs.  Il  n'y  a  gueres  que  ie  suis  par  deca,  il  n'y  a  que  4  mois,  mais  au  lieu  dung  pasteur  qu'on  y  desiroit  on  y  en  desire  maintenant  dix.  Or  pensez  que  ce  sera  si  la  chose  continue  de  bien  en  mieux  comme  on  espere.  Quant  ie  fuz  arrive  par  deca  ie  m'arrestay  environ  7  sepmaines  au  pais  de  partois6)  la  ou  le  seigneur  s'est  servi  de  moy  povre  ver  de  terre  tant  mal  propre,  tant  foible  et  debile  comme  vous  scavez,  et  neantmoins  encores  que  ne  soye  moins  que  rien,  a  fin  que  la  gloire  soit  au  Seigneur  qui  s'est  voulu  servir  de  moy  son  povre  instrument  qui  ne  suis  digne  que  de  toute  vergoigne  et  mespris,  il  est  advenu  qu'au  commencement  saloye  par  les  maisons  et  faisoye  exhortations  selon  les  occasions  et  moyens  que  ie  pouvoye  avoir,  et  nostre  seigneur  a  tellement  beni  mon  labeur  qu'il  y  a  bien  15  villages  qui  ne  demandent  que  des  pasteurs,  au  moins  si  ces  15  villages  en  avoient  3  ou  deux  ils  feroient  du  mieulx  qu'ils  pourroyent  en  attendant  que  nostre  seigneur  y  prouvoiroit  plus  amplement.  On  vous  va  requerir  pour  les  dits  villages,  comme  pour  victry,  si  le  seigneur  assiste  a  ces  lieux  par  vostre  moyen,  i'en  espere  grand  fruict,  qui  sera  non  seulement  la  conversion  des  dits  villages  entierement  a  nostre  seigneur  mais  aussi  des  lieux  environnans.  Ie  vous  les  recommande  au  nom  du  seigneur.  l'escri  a  Monsieur  Calvin  7)  pour  cest  affaire  :  si  daventure  nostre  seigneur  y  prouvoit  par  vostre  moyen  vous  l'en  pourrez  advertir  et  ne  laissera  on  de  luy  envoyer  mes  letres  lesquelles  Monr.  Farel  pourra  ouvrir  et  reclorre  si  d'aventure  il  luy  plait  les  veoir.  Quant  a  ceste  eglise  de  Chaalons  incontinent  que  ie  suis  peu  entrer  en  la  ville  i'ay  testiffio  mon  envoy  a  eux,  ils  m'ont  receu  comme  un  messagier  de  christ.  Or  on  leur  faisoit  tellement  la  guerre  comme  ie  cuide  que  l'ayez  entendu  qu'ils  ne  s'oserent  assembler  que  iusqu'au  nombre  de  douze  et  encore  en  grande  crainte.  Ie  ne  voyoie  rien  moins  que  ce  que  ie  voy  auiourdhui,  au  seigneur  en  soit  la  gloire.  Quant  ie  regardoye  au  pouvoir  des  hommes  ie  ne  pouvoye  attendre  sinon  que  ie  seroye  incontinent  despesche.  Mais  le  seigneur  qui  m'a  fait  esperer  contre  esperance  m'a  donne  matiere  de  ioye.  Il  n'y  avoit  ordre  d'amener  aucuns  de  nos  gens  a  recevoir  entierement  le  ioug  de  Christ  apres  avoir  reiecter  celuy  d'antechrist.  Mais  le  seigneur  qui  a  eu  pitie  de  moy,  son  povre  et  6)  Le  Perthois,  en  Champagne,  avec  Vitry  le  Francais  (N.  3519).  7)  la  precedente.