16:25  25  1556  FEBRUAR.  26  tuisset.  Hic  ego  quum  nostram  inopiam  coepissem  deplorare,  et  conqueri  tam  praeclaram  occasionem  nobis  nescio  qua  socordia  praeripi,  quam  futurum  esset  ut  aliquando  filius  Dei  nobis  exprobraret  coram  angelis  suis,  eo  ventum  est  ut  diceret  Farellus  mittendum  esse  potius  quendam  ex  veteranis,3)  qui  saltem  ad  tempus  hoc  onus  sustineret,  et  futuro  successori  quem  daret  Dominus  constitutam  ecclesiam  traderet.  Omitto  plura  quae  bonus  iste  et  eximius  senex  in  eam  sententiam  ita  ardenter  disseruit,  ut  mirificam  plane  ex  eius  sermone  consolationem  ceperim.  Quid  multa?  Non  modo  assensi  sumus,  sed  etiam  rogavimus  ut  alicuius  nomen  ederet.  Habita  deinde  oratione,  aut  ego,  inquit,  illuc  destinor,  aut  si  vobis  videor  iniquum  postulare,  Iacobum*)  ministrum  Bedriacensem  mittendum  censeo.  Qui  hunc  norant  eius  sententiam  ita  comprobarunt  ut  idem  quoque  sibi  in  mentem  venisse  testarentur.  Mittitur  paulo  post  qui  illum  accersat  Gulielmus  Hobrachus.5)  Placuit  enim  multis  de  causis  hunc  quoque  facere  nostri  consilii  participem.  Quum  venisset  Iacobus  et  rem  totam  cognovisset,  coepit  conqueri  quod  magis  idoneus  non  eligeretur.  Se  quidem  fassus  est,  quamvis  ex  inopinato  rem  tantam  audiret,  tamen  nescio  quomodo  intus  percelli:  unum  esse  quo  cogeretur  assensionem  sustinere,  propositae  rei  magnitudinem,  cui  se  imparem  esse  fateretur,  et  alios  aliquot  collegas  nominavit.  Rogatis  eorum  qui  aderant  sententiis  Iacobus  iterum  fuit  confirmatus,  qui  quidem  mihi  visus  est  divino  plane  impetu  commoveri,  adeo  ut,  nisi  me  exspectatio  fallat,  nihil  nisi  magnum  ex  tota  hac  actione  possim  ominari.  Quod  ad  familiam  eius  attinet,  uxorem  habet  ut  aiunt  omnes  valde  piam  ac  modestam,  ut  de  ipsius  voluntate  nihil  sit  dubitandum,  liberos  duntaxat  duos,  quorum  alteri  qui  apud  nos  agit  absente  patre  prospiciemus.  Sed  unum  nos  hic  remoratur,  nempe  quod  non  possit  nisi  petita  a  Vatevillio6)  venia  discedere,  quod  in  eius  agro  sit  pagus  in  quo  ministrat,  et  ita  sit  illi  obligatus.  Quum  autem  eo  ipso  die  sub  noctem  ad  eum  venisset  (forte  enim  ante  biduum  venerat  in  Columberiam)  et  missionem  ab  eo  flagitasset  in  duos  aut  tres  menses,  quid?  inquit  ille,  quorsum  tam  iniquo  tempore?  nempe  novas  nobis  molestias  afferet  haec  tua  peregrinatio.  Hic  Iacobus,  quem  diligenter  monueramus  ne  quid  de  hac  re  aperiret,  coepit  dicere  3)  ulteranis  Br.  4)  quisnam  ille  fuerit  docebit  N.  2391.  Alibi  de  Enardo  Pichon  delegando  dicetur.  5)  Quem  nuper  ipsum  Lutetiam  mittendum  putavit  Farellus  (N.  2378).  Mox  Franco  furtum  abiit,  ubi  tamen  minus  bene  egit  quam  optandum  fuisset  et  isti  speraverant.  6)  hic  subsistit  fol  730,  incipit  fol.  138.  .  Wattemlius  Dynasta  in  Colombier  videtur  etiam  patronus  fuisse  in  Boudry.