11:25  1540  FEBRUAR  fatigatus  sum  vehementer,  vel  potius  fractus.  Itaque  patiar  te  libenter  in  posterum  quiescere  nisi  novi  quid  acciderit.  Utinam  semel  mihi  liceret  in  sinum  tuum  familiariter  deponere  quid  sentiam,  ac  vicissim  tuum  consilium  audire,  quo  melius  essemus  praeparati.  Optima  tibi  occasio  erit  huc  concedendi,  si  fiet  quod  de  coniugio  speramus.  Exspectamus  enim  puellam  paulo  post  pascha:  sed  si  mihi  receperis  certo  te  venturum,  nuptiae  in  tuum  adventum  differentur.  Satis  enim  habebimus  temporis  ad  diem  tibi  indicandum.  Hoc  ergo  primum  abs  te  summi  beneficii  loco  postulo,  ut  venias,  deinde  ut  venturum  te  confirmes.  Omnino  enim  aliquem  oportet  istinc  venire,  qui  matrimonium  sanctificet.  Ego  vero  neminem  malim  quam  te.  Ergo  delibera  an  dignus  tibi  videar,  cuius  causa  profectionem  hanc  suscipias.  Exspecto  quid  nobis  parient  tumultus  illi  quibus  nunc  Geneva  exagitatur.  Res,  ut  spero,  aliquo  inclinaverit  priusquam  huc  venias.  Germania,  ut  solet,  suspensa  est  magnarum  rerum  exspectatione.  Nemo  enim  est  qui  non  suspicetur,  Caesarem  plura  moliri  quam  prae  se  ferat.  Nostri  nunc  conventum  agunt  Smalcaldiae,9)  in  quo  consultabunt  in  utramque  partem,  ut,  sive  pugnandum  sit  rationibus,  sive  bello  decernendum,  non  deprehendantur  imparati.  Hoc  boni  dedit  nobis  Deus,  quod  tres  episcopi  electores  potius  se  nostris  adiungent  ad  tuendam  patriae  libertatem,  quam  ut  cum  Caesare  ullo  modo  conspirent.  Ecclesiola  nostra  pro  more  suo  se  sustinet.  Hermannus  ad  ecclesiae  societatem  rediit  optima,  nisi  fallor,  fide.  Confessus  est  extra  ecclesiam  non  esse  spem  salutis,  apud  nos  veram  esse  ecclesiam,  ideo  defectionem  fuisse  quod  sectam  ab  ea  separatam  habuit:  huius  criminis,  cuius  se  reum  fatebatur,  yeniam  petiit.  De  libero  arbitrio,  de  divinitate  et  humanitate  Christi,  de  regeneratione,  de  paedobaptismo  et  aliis  passus  est  se  doceri,  ac  nostram  doctrinam  amplexus  est.  Tantum  in  praedestinatione  haesitabat,  in  qua  tamen  mihi  propemodum  subscripsi^  nisi  quod  se  explicare  non  poterat  a  differentia  praescientiae  et  providentiae.  Deprecatus  tamen  est,  ne  ea  res  impediret,  quominus  ipse  cum  liberis  in  ecclesiae  communionem  reciperetur.  Ego  ea  qua  decuit  comitate  illum  excepi,  petentique  veniam  manum  ecclesiae  nomine  porrexi;  postea  baptisavi  eius  filiolam  quae  biennium  excesserat.  Nisi  me  supra  modum  fallit  opinio,  est  homo  religiosus.  Quum  ipsum  hortarer  ad  alios  in  viam  reducendos,  minimum,  inquit,  est  ut  non  minus  laborem  in  aedificando  quam  feci  in  destruendo.  Ioannes  etiam,  quiUlmae  habitat,  dicitur  resipiscere.  9)  Indictus  erat  in  Cal.  Martias.  Adfuerunt  WitteOergenses  et  Bucerus.  Sleidan,  II.  159.  Seckendorf.  lll.  257.  Marheineke,  Deutsche  Ref.  IV.  1.