10.1:25  ORDONNANCES.  yenoit  a)  que  la  ville  fust  visitee  de  ceste  verge  de  dieu.  Au  surplus  pour  empescher  la  mendicite,  laquelle  est  contraire  a  bonne  police,  jl  seroit  bon  b)  et  ainsy  havons  ordonne  que  jl  ay  lun  de  nous  officiers  a  lissue  des  esglises  pour  oster  ceulx  de  la  place  qui  vouldroient  belistrer,  c)  et  si  c'estoient  affronteurs,  ou  quilz  se  rebeequassent,  les  mener  a  lung  de  messieurs  les  syndicques.  Pareillement  que  au  reste  du  temps  les  dizeniers  y  prinsent  garde  que  la  deffence  de  ne  point  mendier  feust  bien  observee.  Des  sacremens,  d)  Que  le  baptesme  ne  se  face  que  a  lheure  de  la  predication,  et  quil  soit  administre  seulement  par  les  ministres  ou  coadiuteurs,  et  quon  enregistre  les  noms  des  enfans  avec  les  noms  de  leurs  parens,  que  sil  se  trouvoit  quelque  bastard  la  justice  en  soit  advertie.  Que  les  pierres  ou  baptistaire  soit  aupres  de  la  chaire,  affin  quil  y  ait  meilleure  audience  a  reciter  le  mystere  et  lusaige  du  baptesme.  1)  Quon  ne  recoive  estrangers  pour  comperes  que  gens  fidelles  et  de  nostre  communion,  veu  que  les  aultres  ne  sont  capables  de  faire  promesse  a  lesglise  dinstruyre  les  enfans  comme  jl  appartient.  De  la  cene.  Puys  que  la  cene  a  este  jnstituee  de  nostre  seigneur  pour  nous  estre  en  usage  plus  frequent,  et  aussi  quil  a  ainsi  este  observe  en  lesglise  ancienne  jucques  a  ce  que  le  dyable  a  tout  renverse,  erigeant  la  messe  au  lieu  dicelle,  cest  ung  deffault  quon  doibt  corriger,  que  de  la  celebrer  tant  peu  souvent.2)  e)  Parquoy  sera  bon  que  tousiours  unesfois  le  moys  elle  soit  administree  en  la  ville,  tellement  que  tous  les  troys  moys  elle  revienne  en  chascune  paroysse,  Oultre  que  trois  foys  lan  on  la  face  par  tout  assavoir  a  pasques,  penthecoste  et  noel,  en  telle  sorte  neantmoins  que  ce  moys  la  elle  ne  soit  repetee  en  la  paroysse  laquelle  lors  seroit  en  son  jour.  1)  Cet  article  est  raye.  L'autre  main  y  avait  ajoute  ces  mots:  Que  les  pierres  ou  baptistaire  quelle  doybjent  demeurer  ainsy  quelle  sont  mises,  mais  ils  furent  aussi  biffes.  2)  Toutesfoys  pour  au  present  y  avons  advise  et  ordonne  que  elle  soyt  administree  quatre  foys  l'annee  assavoyre  a  noel,  pasques,  penthecoste  et  le  premier  dymenche  de  septembre  en  aulthone.  Addition  de  l'autre  main  pour  remplacer  l'article  suivant  qui  est  efface.  3)  sic.  4)  Le  texte  portait  originairement  aussi,  Calvin  le  remplaca  de  sa  propre  main  par:  ainsi.  5)  La  fin  de  cet  article  a  ete  biffee  et  remplacee  par  cette  redaction  de  l'autre  main:  cella  demore  a  la  seigneurie;  ce  neantmoins  advons  advise  de  dresser  ung  consistoire  pour  aoyr  les  parties,  auquel  seraz  conioint  quelquun  des  ministres  comment  consellier*  Et  adviserons  leur  dresser  ordonnances  lesquelles  doybjent  suyvre  doresnavant.