1:25  [CO  1.  25]  se  pressuram  suscitare  vinculis  eius  (Phil.  1).  Alicubi  non  multus  erat  Evangelii  profectus.  Omnes  quae  sua  erant  quaerebant,  non  quae  Iesu  Christi.  Alii  retrorsum  abibant,  canes  ad  vomitum, [p. 37]  et  sues  ad  volutabrum  luti.  Plerique  libertatem  spiritus  rapiebant  in  licentiam  carnis  (Phil.  2.  2  Petr.  2).  Insinuabant  sese  multi  fratres  falsi,  a  quibus  deinde  piis  imminebant  pericula.  Inter  ipsos  fratres  variae  concertationes  suscitabantur.  Quid  hic  Apostolis  agendum  erat?  An  non  vel  ad  tempus  dissimulandum,  vel  prorsus  omittendum  istud  Evangelium,  ac  deserendum  erat,  [OS  35]  quod  tot  litium  videbant  esse  seminarium,  tot  periculorum  materiam,  tot  scandalorum  occasionem?  At  in  huiusmodi  angustiis  succurrebat,  Christum  esse  lapidem  offensionis  et  petram  scandali,  positum  in  ruinam  et  resurrectionem  multorum,  et  in  signum  cui  contradiceretur  (Ies.  8.  Rom.  9.  Luc.  2.  1  Petr.  2).  Qua  fiducia  armati,  per  omnia  tumultuum,  offensionumque  discrimina  audacter  progrediebantur.  Eadem  et  nos  cogitatione  sustentari  decet,  quando  hoc  Evangelii  esse  perpetuum  testatur  Paulus,  ut  sit  odor  mortis  in  mortem  iis  qui  pereunt,  odor  vitae  in  vitam  iis,  qui  salvi  fiunt  (2  Cor.  2).  Sed  ad  te  revertor,  o  magnanime  Rex.  Nihil  te [p. 38]  moveant  vanae  illae  delationes,  quibus  terrorem  tibi  iniicere  nituntur  nostri  adversarii:  non  aliud  hoc  novo  Evangelio  (sic  enim  appellant)  captari  ac  quaeri,  nisi  seditionum  opportunitatem,  ac  vitiorum  omnium  impunitatem.  Neque  enim  divisionis  Deus  autor  est,  sed  pacis,  et  filius  Dei  non  peccati  minister  est,  qui  venit  ad  dissolvenda  opera  diaboli  (1  Cor.  14.  Gal.  2.  1  Ioan.  3).  Et  nos  talium  cupiditatum  immerito  accusamur,  quarum  ne  minimam  quidem  suspicionem  unquam  dedimus.  Scilicet  nos  regnorum  inversionem  meditamur,  quorum  nulla  unquam  factiosa  vox  audita  est,  et  vita  semper  quieta  simplexque  cognita  fuit,  cum  sub  te  viveremus,  et  qui  nunc  etiam,  domo  profugi,  tibi  tamen  regnoque  tuo  fausta  omnia  precari  non  desinimus.  Scilicet  nos  impunitam  vitiorum  petulantiam  aucupamur,  quorum  in  moribus,  etsi  multa  reprehendi  possunt,  nihil  tamen  tanta  insectatione  dignum.  Nec  tam  infeliciter,  gratia