9:249  249  AD  WESTPHALUM.  250  taae  suae  aestu  ita  abreptus  ad  insipidos  clamores,  sed  qua  decebat  sobrietate  et  temperantia  tractasset  rem  adeo  seriam!  Adulatur  sodali  suo  Westphalo,  quod  Augustini  testimonia  contra  nos  coacervando  tantum  in  se  odium  concitaverit.  Inspiciat  quae  in  hoc  libello  illis  collectaneis  contra  obieci:  mirum  ni  pudefactus  iaceat.  Etsi  autem  mihi,  qui  rectitudinem  sincerumque  candorem  amo,  odiosa  esse  fateor  perversa  eiusmodi  ingenia,  me  tamen  hic  nugator  mentitur  homines  odisse,  quorum  saluti  iti  hac  etiam  qua  utor  verborum  asperitate  [pag.  320]  ex  animo  consulo.  Nam  antehac  quid  apud  eos  valeat  mansuetudo  et  lenitas  in  amica  epistola  expertus,  hanc  unam  spem  resipiscentiae  esse  puto,  si  insanum  eorum  fastum  durius  retundam.  Ac  iam  mihi  erga  omnes  plane  defunctus  videor,  nisi  forte  libeat  non  absque  molesto  lectorum  taedio  decies  eadem  repetere.  Imo  forte  longius  quam  par  erat,  sermonem  protraxi.  Quid  enim  Bremenses  refellere  opus  fuit,  qui  n'hil  fere  attulerunt,  praeter  animum  nocendi?  Our  autem  collegis  suis  violenter  domi  oppressis,  1)  virus  suum  in  me  procul  evomant,  una  haec  ab  illis  obtenditur  ratio,  quia  contempserim  ebrios  Saxones.  Atqui  si  non  sunt  ex  numero,  quorsum  attinuit  tantopere  eos  excandescere?  Quanquam  hinc  apparet,  bonos  istos  Areopagitas,  ut  videndae  lucis  molestia  se  liberent,  decreta  sua  in  tenebris  scribere.  Westphalum  alicubi  hominem  temulentum  vocare  contigerat,2)  non  [pag.  321J  ut  bibacitatem  illi  obiicerem,  sicuti  interpretatus  sum  :  sed  qualiter  propheta  ebrios  esse  dicit,  et  non  a  vino,  qui  stupore  percussi,  aut  vertigine  correpti,  a  sana  mente  exciderunt.  Quod  privatim  de  uno  homine  dictum  est,  ad  totam  gentem  trahi  caecae  profecto  temulentiae  est.  Itaque  posthac  cautiores  esse  discant,  ne  caeca  ultione  praecipites  ferantur.  In  causa  vero  tractanda  quam  fuerint  securi,  hoc  uno  documento  perspicuum  fiet,  quod  probata  manducatione  veri  corporis,  praeterito  modo,  palmam  se  adeptos  confidunt.  Atqui  an  verum  comedatur  in  coena  Christi  corpus,  ego  in  dubium  nunquam  vocavi:  tantum  admoneo  videndum  esse,  quomodo.  Quam  vero  ludibundi  suum  obsequium  praestiterint  Westphalo,  subscriptionum  quoque  ineptiae,  3)  quas  exagitare  piget,  palam  faciunt.  Praesertim  his  verbis:  Ego  Tilemannus  Cragius  scripsi,  et  subscripsi  laetus  pro  tuenda  veritate  verbi  Christi  (?.  c.  O.  6  versa).  1)  Notissimae  sunt  et  tristissimae  turbae  Alberto  Hardenbergio  a  Lutheranis  Bremensibus  motae.  2)  Vide  quae  annotavimus  ad  Praefationem  primae  defensionis  pag.  nostra  7.  3)  Gragium  sequuti  sunt  Theodoricus  Holthusius  Berengarianam  haeresim  et  nuper  ortam  Zwinglii  damnans,  Nicolaus  Bismarcius  Osterburgensis  pro  veritate  tuenda  contra  falsum  dogma  sacramentariorum,  Henricus  Lanius  improbans  dudum  explosum  dogma  Cinglianorum  ete.