52:249  249  CAPUT  L  1.  Paulus  apostolus  Iesu  Christi  secundum  ordinationem  Dei  salvatoris  nostri,  et  Domini  Iesu  Christi  spei  nostrae:  2.  Timotheo  germano  filio  in  fide,  gratia,  misericordia,  pax  a  Deo  patre  nostro,  et  Christo  Iesu  domino  nostro.  3.  Quemadmodum  rogavi  te  ut  maneres  Ephesi,  quum  proficiscerer  in  Macedoniam,  volo  denunties  quibusdam,  ne  aliter  doceant:  4.  neque  attendant  fabulis  et  genealogiis  nunquam  finiendis:  quae  quaestiones  praebent  magis,  quam  aedificationem  Dei,  quae  in  fide  consistit.  1.  Paulus  apostolus.  Si  soli  Timotheo  scripsisset,  non  opus  erat  adscribere  hoc  epithetum,  et  ita  asserere  ut  facit.  Contentus  enim  procul  dubio  fuisset  Timotheus  solo  nomine.  Sciebat  enim  esse  Christi  apostolum:  nec  indigebat  ulla  probatione,  quo  fidem  illi  deferret,  satis  iam  ad  id  sponte  propensus  et  diuturno  usu  assuetus.  Alios  ergo  potius  respicit,  qui  non  tam  erant  ad  ipsum  audiendum  voluntarii,  vel  non  tam  facile  eius  dictis  acquiescebant.  Talium  hominum  causa  se  apostolum  Christi  esse  testatur,  ne  parvi  pendere  ausint  quod  scribit.  Et  apostolatum  suum  confirmat  ordinatione,  vel  decreto:  quia  nemo  apostolum  creare  se  ipse  potebt:  sed  quem  Deus  ordinavit,  ille  verus  est  apostolus,  dignusque  honore.  Neque  Deum  patrem  solum  apostolatus  sui  facit  autorem,  sed  illi  Christum  adiungit.  Et  certe  in  ecclesiae  gubernatione  nihil  agit  pater,  nisi  per  filium,  et  ita  communiter  cum  filio.  L)  eu  m  s  a  l  v  a  t  o  r  em  vocat:  quem  titulum  filio  tribuere  saepius  solet:  patri  tamen  eo  ipso  convenit,  quia  is  est  qui  nobis  dedit  filium.  Merito  igitur  illis  salutis  nostrae  gloria  adscribitur.  Unde  enim  salvi  sumus?  nempe  quia  sic  nos  dilexit  pater,  ut  per  filium  nos  redimere  voluerit,  ac  salvare.  Quod  autem  C  h  r  i  s  t  um  appellat  spem  nostram  proprie  illi  convenit.  Tunc  enim  incipimus  bene  sperare,  quum  in  Christum  respicimus:  quandoquidem  in  eo  solo  residet  tota  salutis  nostrae  materia.  2.  Timotheo  germano  filio.  Non  est  hoc  parvae  laudis  elogium,  quo  significat  Paulus  se  pro  vero  ac  non  degenere  filio  agnoscere  Timotheum,  et  talem  ab  aliis  vult  agnosci.  Imo  perinde  Timotheum