51:249  249  SUR  L'EPITRE  AUX  EPHESIENS.  250  tagne  de  Sinai,  ou  les  esclairs  voloyent  en  l'air,  quand  la  Loy  fut  publiee:  que  si  une  beste  en  estoit  approchee,  il  faloit  qu'elle  mourust.  La  Loy  donc  que  Dieu  alors  publia,  estoit  espovantable.  Mais  auiourd'huy  quand  nous  sommes  exhortez  par  l'Evangile  de  recevoir  la  grace  qu'il  nous  offre,  et  d'autant  qu'il  veut  abolir  la  memoire  de  nos  pechez,  que  nous  souffrions  d'estre  ainsi  iustifiez  par  sa  bonte  gratuite  et  de  luy  estre  paisibles  et  obeissans.  Car  cela  nous  doit  bien  esmouvoir  de  venir  a  luy  comme  poures  affamez,  pour  estre  repeus  de  la  pasture  celeste  qu'il  nous  veut  donner.  Voila  donc  en  somme  ce  que  nous  avons  a  retenir,  quand  S.  Paul  s'appelle  Apostre  de  Iesus  Christ.  Quant  a  ce  qu'il  adiouste,  que  c'est  par  la  volonte  de  Dieu,  cela  est  pour  couper  broche  a  toutes  disputes,  a  fin  qu'on  ne  l'accuse  point  de  presomption,  comme  s'il  cuidoit  beaucoup  plus  valoir  que  les  autres:  car  il  proteste  que  ce  n'est  pas  qu'il  en  soit  digne:  mais  d'autant  que  Dieu  Fa  choisi  a  cest  office-la.  Cependant  ce  n'est  pas  une  humilite  feinte,  quand  il  dit  qu'il  a  este  establi  en  cest  estat  par  la  pure  grace  de  Dieu  et  par  son  election.  Car  nous  voyons  en  d'autres  passages  comme  il  proteste  qu'il  n'est  pas  digne  d'un  tel  honneur:  mais  plustost  qu'il  meritoit  condamnation  extreme:  et  pourtant  qu'il  doit  estre  tenu  comme  un  miroir  de  la  bonte  infinie  de  Dieu,  en  ce  qu'il  l'a  esleve  si  haut,  luy  qui  estoit  meurtrier  des  Chrestiens,  qui  avoit  espandu  le  sang  des  Martyrs,  qui  avoit  blaspheme  contre  Dieu  et  contre  sa  parole,  ainsi  qu'il  en  parle.  Nous  voyons  donc  qu'il  n'y  a  nulle  feintise  en  ceste  confession  qu'il  fait  qu'il  a  este  mis  en  cest  estat  et  degre  par  la  pure  volonte  de  Dieu.  Et  ceci  nous  sert  encores  beaucoup,  a  fin  que  nous  n'estimions  point  la  parole  de  Dieu  selon  la  qualite  de  ceux  qui  la  portent.  Car  voila  aussi  l'astuce  dont  le  diable  use  coustumierement  pour  diminuer  de  la  reverence  de  la  parole  de  Dieu:  c'est  qu'il  nous  met  devant  les  yeux  ceux  qui  la  portent.  Or  il  est  certain  que  nous  sommes  des  vaisseaux  fragiles  et  de  nulle  valeur,  voire  mesmes  comme  des  pots  cassez.  Qu'y  a-il  en  ceux  que  Dieu  ordonne  pour  Ministres  de  sa  parole?  Mais  tant  y  a  que  le  thresor  est  tousiours  inestimable,  combien  que  les  vaisseaux  soyent  contemptibles.  Notons  bien  donc,  quand  les  nommes  viennent  a  nous  pour  estre  tesmoins  de  la  remission  de  nos  pechez  et  du  salut  qu'il  nous  faut  esperer,  que  nostre  foy  doit  monter  plus  haut,  et  qu'il  n'est  pas  question  de  nous  enquerir,  et  cestuy-ci  merite-il  d'estre  escoute?  Et  qui  est-il  en  sa  personne?  Contentons-nous  que  Dieu  par  ce  moyen-3a  nous  veut  attirer  a  soy,  c'est  le  chemin  par  ou  il  nous  faut  marcher:  et  si  nous  en  declinons,  nous"  voila  esgarez  et  en  train  de  perdition.  Notons  bien  donc