50:249  249  CAPUT  V.  250  insanum  esse  hominem  ut  sibi  malum  sponte  accersat.  Postremo  suspectos  reddit  adversarios,  quod  circumcisionem  praedicando  suaej  potius  tranquillitati  consulant  quam  fideliter  serviant  Christo.  Summa  est,  Paulum  ab  omni  ambitione,  avaritia,  sui  denique  respectu  abhorruisse,  quum  favorem  plausumque  contemneret:  persequutionibus  vero  et  multorum  furori  se  obiiceret  potius  quam  minimum  unguem  deflecteret  ab  evangelii  puritate.  Exinanitum  est  scandalum  crucis.  Libenter  evangelium  Paulus  crucem  nominat,  vel  sermonem  crucis,  dum  abiectam  eius  simplicitatem  vult  opponere  ampullis  humanae  sapientiae  vel  iustitiae.  Nam  et  Iudaei  prava  iustitiae  confidentia,  et  Graeci  stulta  sapientiae  persuasione  inflati,  evangelii  humilitatem  despiciebant.  Quum  ergo  dicit  nunc,  recepta  circumcisionis  praedicatione  nullum  amplius  fore  scandalum  crucis,  intelligit  nullam  sibi  molestiam  exhibitum  iri  a  Iudaeis,  sed  bona  eorum  pace  sibi  docendi  fore  locum  :  quia  amplius  eos  non  offendet  fucatum  illud  et  adulteratum  evangelium  compositum  ex  Mose  et  Christo,  sed  eiusmodi  mistura  tolerabilis  ipsis  erit,  quia  in  pristinae  dignitatis  possessione  manebunt  12.  Utinam  etiam  abscindantur.  Ultra  provehitur  indignatione:  nam  exitium  imprecatur  impostoribus  illis  a  quibus  decepti  fuerant  Galatae.  Videtur  autem  alludere  ad  circumcisionem  quam  urgebant,  quum  dicit,  abscindantur.  In  quam  sententiam  inclinat  Chrysostomus:  acsi  diceret:  Lacerant  ecclesiam,  circumcisionis  causa.  Velim  eos  prorsus  abscindi.  Sed  talis  imprecatio  videtur  parum  congruere  mansuetudini  apostolicae.  Nam  ut  salvi  sint  omnes  optandum  est  :  non  ergo  ut  quisquam  pereat.  Respondeo,  id  verum  esse  dum  homines  respicimus.  Nam  omnium  salus  sine  exceptione  nobis  a  Deo  commendatur:  quemdadmodum  pro  peccatis  totius  mundi  passus  est  Christus.  Sed  fit  interdum  ut  piae  mentes  extra  hominum  considerationem  efferantur  :  dum  scilicet  intuentur  Dei  gloriam  et  Christi  regnum.  Nam  quanto  praestantior  est  Dei  gloria  hominum  salute,  tanto  in  sui  amorem  ac  studium  altius  rapere  nos  debet.  Ita  fit  ut  in  gloriam  Dei  promovendam  intenti  fideles,  mundi  et  hominum  obliviscantur:  ideoque  malint  totum  mundum  interire  quam  decedere  aliquid  gloriae  Dei.  Sed  meminerimus  votum  inde  illud  manare,  quod  aversi  a  cogitatione  hominum  defixi  sunt  in  solum  Deum.  Ita  crudelitatis  damnari  non  potest,  quasi  pugnet  cum  caritate.  Deinde  si  cum  uno  homine  vel  paucis  comparamus  ecclesiam,  quanto  intervallo  haec  praeponderabit?  Crudelis  enim  misericordia,  quae  hominem  unum  toti  ecclesiae  praefert.  Video  ab  una  parte  gregem  Domini  qui  periclitatur,  video  e  regione  lupum  Satanae  instinctu  grassantem:  annon  ecclesiae  cura  sic  absorbere  totam  meam  cogi-