5:249  DE  FUGIENDIS  IMPIORUM  SACRIS.  omnis  idololatriae  simulatio,  vel  quacunque  ratione  suscepta  imitatio,  ab  ea  nos  longissime  absterret.  De  divini  nominis  ac  honoris  profanatione,  haec  eius  verba  sunt  (1  Cor.  10,  14  ss.):  Carissimi,  fugite  ab  idolorum  cultu  (sub  cultus  nomine,  exteriores  omnes  ritus  collegisse,  qui  impiorum  sacris  adhibeantur,  iam  ex  sequentibus  manifestum  erit),  ut  prudentibus  loquor  :  vos  ipsi  iudicate  quod  dico.  Calix  benedictionis  cui  benedicimus,  nonne  communicatio  sanguinis  Christi  est?  et  panis  quem  frangimus,  nonne  communicatio  corporis  Domini  est?  Ergo  unus  panis  et  unum  corpus  multi  sumus,  omnes  qui  de  uno  pane  participamus.  Videte  Israel  secundum  carnem.  Nonne  qui  edunt  hostias,  participes  sunt  altaris?  Quid  ergo?  Dico  quod  idolis  immolatum  sit  aliquid?  aut  quod  idolum  sit  aliquid?  Sed  quod  quae  gentes  immolant,  daemoniis  immolant,  et  non  Deo.  Nolo  autem  vos  participes  fieri  daemoniorum.  Non  potestis  calicem  Domini  bibere,  et  calicem  daemoniorum.  Non  potestis  mensae  Domini  participare,  et  mensae  daemoniorum.  Initio  in  memoriam  illis  revocat,  quam  propinqua  sit  istaec  illis  cum  Christo  Domino  societas,  corporis  et  sanguinis  ipsius  participes  fieri  ut  quanto  eos  propius  illi  adiunxerit,  tanto  ab  omni  idolorum  participatione  iongius  abstrahat.  Externa  autem  sacramenta  quaedam  quasi  vincula  esse,  quibus  cum  Domino  cohaereant:  id  ipsum  igitur  illis  e  converso  accidere,  qui  immundis  caeremoniis  se  admiscent,  ut  per  eas  idolorum  societati  se  innectant  atque  inserant.  Deinde  omnem  tergiversationem  praecidit,  quum  eorum  obiecta  occupat,  qui  praetendere  possent,  idolum  nihil  esse:  idcirco  carnem  idolis  immolatam,  nihil  a  vulgari  [pag.  14]  carne  differre.  Quod  illis,  quantum  ad  carnis  ipsius  substantiam,  concedit:  sed  aliam  esse  hominum  opinionem  excipit,  quorum  iudicium  in  factis  nostris  spectari  debeat,  quae  ipsorum  oculis  subiiciuntur.  Eos  autem,  qui  carne  idolis  immolata  vescantur,  argumentum  imperitorum  errori  praebere,  unde  iudicent,  eo  modo  idolis  ipsos  sacrificare,  sic  in  hominum  conspectu  Deum  inhonorari.  Iam  et  asperiorem  sententiam  postea  subiicit,  tantum  esse  inter  Christi  et  daemoniorum  mensam  dissidium,  ut  altera  se  abdicet,  qui  delibet  quidquam  ex  altera.  Hac  demum  clausula  exhortationem  suam  absolvit:  Num  provocamus  Dominum  ?  Num  fortiores  illo  sumus?  Cuius  tanta  vis  est,  ut  magis  acriter,  ac  magis  paene  dixerim  tragice,  exagitare  sceleratum  ullum  facinus  non  potuerit,  quam  illam  exagitavit  superstitionum  fictionem:  quae  vix  pro  levissima  culpa  hodie  a  multis  ducitur.  Alibi  (2  Cor.  6,  14  ss.):  Nolite  iugum  ducere  cum  infidelibus.  Quae  enim  participatio  iustitiae  cum  iniquitate?  aut  quae  pars  fideli  cum  infideli?  Quae  societas  luci  cum  tenebris?  Quae  concordia  Christi  cum  Belial?  Quis  porro  consensus  templo  Dei  cum  idolis?  Vos  enim