29:249  249  IN  L  LIB.  SAMUEL.  CAP.  L  250  nullo  modo  potest.  Nam  etsi  quaedam  excusationis  species  consuetudo  est,  tamen  malum  suo  gradu  semper  habendum.  Quid  enim,  quaeso,  causari  potest  Elcana,  quin  suae  functionis,  puta  sacerdotii,  immemor  sanctimoniae  terminos  egressus  dicatur.  Sequitur,  venisse  illum  statutis  diebus  adoraturum.  Dies  quidam  pro  annis  accipiunt.  Sed  mihi  non  fit  verisimile,  sacerdotalis  ordinis  viros  semel  in  anno  tantum  in  sanctuario  comparuisse,  quandoquidem  tria  solemnia  festa  legimus  annuatim  celebranda  fuisse  a  Domino  constituta.  At  si  tribus  singulas  oportuit  illis  festis  sese  coram  Deo  sistere,  ac  Deum  veluti  lustrationem  sui  populi  venerari,  palamque  cultum  illius  et  obedientiam  profiteri,  suaque  peccata  confitentes  misericordiam  eius  deprecari:  quid  sacerdotes  decuit,  quos  esse  praecones,  populum  ad  obedientiam  Deo  reddendam  cohortantes  et  suo  exemplo  incitantes,  oportuit?  Quapropter  noa  est  verisimile  semel  in  anno  tantum  Elcanam  in  Silo  adoraturum  Deum  venisse,  quum  praesertim  non  procul  abesset,  ut  qui  a  Levi  duceret  originem.  Quidam  ergo  putant  illum  extraordinarium  sacrificium  praeter  ea  quae  a  Domino  praecipiebantur  venisse  annuatim  oblaturum.  Sed  quid  impedit  quominus  per  haec  verba  statutos  dies  illos  intelligamus  quos  Deus  a  populo  iusserat  in  lege  observari  ad  debitum  ipsi  cultum  reddendum?  Nam  nobis  hic  quidem  Elcana  proponitur,  non  ab  omni  culpa  alienus,  quod  alteram  uxorem  priori  superinduxisset,  verum  tamen  non  ut  Dei  contemptor,  qui  superfluis  sacrificiis  Deum  coleret  et  veneraretur.  Porro  adoratio  illa  fuit  publica  professio  populi,  se  sua  omnia  Deo  uni  debere  confitentis,  gratias  eidem  de  tot  beneficiis  agentis,  veniamque  peccatorum  deprecantis,  et  se  ad  Dei  voluntatem  vitam  compositurum  pollicentis.  Posset  quidem  haec  adorationis  materia  pluribus  explicari,  sed  multum  profecerimus  si  haec  nostris  infixa  mentibus  doctrina  penitus  haeserit,  quam  ad  haec  tria  capita  sublevandae  memoriae  nostrae  causa  referamus.  Primum,  ut  Deum  adoraturi  nos  illi  nostra  omnia  debere  agnoscamus,  et  gratias  de  praeteritis  agentes  in  posterum  donorum  eius  incrementa  maiora,  et  in  angustiis  ac  difficultatibus  auxilium  imploremus.  Alterum,  ut  supplices  et  tanquam  rei  peccata  confitentes  precemur,  ut  veram  peccatorum  agnitionem  et  resipiscentiam  nobis  largiatur,  ac  nostri  veniam  deprecantium  misereatur.  Tertium  denique  ut  nos  abnegatis  nobis  ipsis,  et  ipsius  in  humeros  recepto  iugo,  debitam  obedientiam  illi  reddere,  et  nostras  cogitationes  et  affectus  ad  legis  ipsius  normam  et  voluntatem  unicam  componere  paratos  profiteamur.  Quibus  et  istud  adiiciendum  est,  veros  Dei  adoratores  oportere  vacuos  a  pravis  omnibus  cogitationibus  et  odiis  esse,  si  ritus  ac  caeremonias  quas  in  venerando  Deo  observant,  pro  veris  et  non  simu-