27:249  249  SUR  LE  DEUTER.  CHAP.  XIII.  250  devoyent  maintenir  la  pure  religion,  et  lesquels  avoyent  le  prophete  Ieremie  comme  en  leur  garde,  selon  ce  commandement  ici,  ils  viennent  a  l'opposite,  non  seulement  monstrer  qu'il  n'y  a  nulle  iustice  en  eux:  mais  qui  pis  est,  ils  disent  que  Ieremie  est  digne  de  mort.  Voila  le  Prophete  de  Dieu  qui  est  condamne  par  les  grands  et  les  petits.  Quoy?  Chacun  luy  court  sus:  car  ils  ne  demandent  sinon  de  s'adonner  a  mal,  et  qu'ils  ne  soyent  plus  menacez  au  nom  de  Dieu.  Si  auiourd'huy  nous  voyons  le  semblable,  cognoissons  que  c'est  un  tel  payement  que  nous  avons  merite.  Car  sans  aller  plus  loin,  combien  que  l'Evangile  se  presche  entre  nous,  comment  est-il  receu?  quelle  reverence  y  a-il?  Mais  tout  le  monde  se  desborde,  et  n'est  plus  question  des  superstitions  papales:  mais  on  voit  une  impiete  diabolique:  que  ceux  qui  seroyent  estimez  simples  paysans,  ceux-la  sont  farcis  de  blasphemes,  pour  despitter  Dieu,  pour  se  mocquer  pleinement  de  sa  parolle.  On  voit  les  murmures,  sur  tout  quand  les  vices  sont  reprins:  bref,  on  ne  demande  sinon  d'avoir  des  chiens  muets,  et  puis  apres  d'avoir  des  gens  desbordez,  qui  n'ayent  point  l'authorite  de  parler  en  facon  que  ce  soit,  des  yvrongnes,  des  gourmands,  des  dissolus,  et  ie  ne  say  quels:  bref,  on  voudroit  avoir  des  chiens  en  chaire,  ou  des  porceaux.  Voila  ce  qu'on  demande,  et  ce  qu'on  voudroit  en  beaucoup  de  lieux,  lesquels  elisent  des  chiens  et  des  porceaux  au  lieu  de  bons  et  fideles  serviteurs  de  Dieu.  Et  qu'on  coure  au  remede  pour  y  provoir.  O!  il  faudroit  aller  aux  Isles  neuves,  personne  ne  s'en  veut  ici  mesler.  Quand  nous  voyons  cela,  advisons  quelle  obeissance,  et  quelle  crainte  de  Dieu  il  y  a  en  telles  gens.  D'autant  plus  donc  nous  faut-il  bien  retenir  ceste  exhortation  que  nous  avons  desia  mise,  que  Dieu  procure  tellement  nostre  salut,  que  sa  gloire  est  coniointe  avec.  Et  pourtant  quand  il  nous  solicite  a  maintenir  son  honneur,  c'est  comme  s'il  disoit:  Povres  gens,  si  le  salut  de  vos  ames  vous  est  cher,  il  faut  que  vous  procuriez  aussi  que  ie  domine  entre  vous,  et  que  i'y  soye  honore:  et  ainsi,  qu'on  y  provoye.  Dieu  donc  par  cela  nous  declaire  qu'il  veut  que  son  honneur  soit  maintenu,  quand  ii  nous  constitue  procureurs  en  sa  cause,  et  veut  que  nous  l'avancions  entant  qu'en  nous  est:  autrement  que  nous  sommes  en  proye  a,  Satan.  Pais  qu'il  nous  declaire  une  telle  amour:  ce  n'est  pas  raison  que  de  nostre  coste  nous  soyons  nonchallans:  mais  il  nous  faut  efforcer  en  sorte  que  les  erreurs  et  heresies  soyent  exterminees  du  milieu  de  nous:  car  si  nous  ne  le  faisons,  craignons  le  salaire  que  i'ay  desia  monstre:  et  Dieu  nous  en  donne  par  trop  d'experience.  Et  au  reste,  quand  nous  aurons  suyvi  l'ordre  qui  nous  est  ici  declaire,  cognoissons  qu'il  nous  faut  avoir  l'honneur  de  Dieu  en  telle