7:248  point  la  sacree  parolle  de  Dieu  n'a  nostre  sens,  n'a  noz  concupiscences,  mais  plustost  rengeons  nous  du  tout  a  ce  qu'elle  nous  dict.  Gardons  nous  [page  242]  de  nous  profaner,  depuis  qu'il  a  pleu  une  fois  a  Dieu  de  nous  appeller  en  sanctification.  Ne  soyons  point  convoiteux  de  choses  nouvelles,  et  n'ayons  point  les  oreilles  chatoilleuses  (2  Tim.  4,  3),  pour  nous  adonner  a  curiosite:  mais  cherchons  ce  qui  est  de  profit  et  edification.  Ne  soyons  pas  si  inconstans  ne  muables,  de  souhaiter  chacun  iour  quelque  changement:  mais  estantz  adressez  au  vray  chemin,  tenons  nous  y:  ayans  la  verite  de  Dieu,  adherons  fermes  a  icelle.l)  Au  reste  que  nul  ne  s'esbahi&se,  ou  se  trouble  de  voir  des  erreurs  tant  estranges  et  exorbitans  de  toute  raison.  Que  nul  ne  prenne  de  la  occasion  de  s'esbranler  ou  se  reculer  de  l'Evangile.  Mais  plustost  cherchons  de  nous  confermer  en  iceluy,  a  fin  que  ce  nous  soit  un  appuy  perpetuel,  seur  et  fidele,  pour  nous  soustenir  au  milieu  de  tous  les  troubles  et  scandales,2)  qui  nous  pourront  assaillir.  Ie  ne  demande  point  qu'on  s'arreste  a  moy  ne  a  mon  opinion,  n'a  mon  dire,  sinon  a  telle  condition,  qu'on  ait  premierement  congneu  que  [page  243]  ce  que  i'enseigne  est  utile.  Ie  ne  demande  point  qu'on  reprouve  ceste  malheureuse  doctrine,  contre  laquelle  i'ay  escrit,  sinon  entant  qu'elle  est  non  seulement  repugnante  a  la  doctrine  de  Dieu,  mais  pleine  de  erreurs  si  execrables,  que  les  cheveux  en  doyvent  dresser  en  la  teste.3)  Le  tout  est  que  nous  ayons  seulement  des  yeux  pour  y  regarder.  Car  il  est  certain  que  nul  n'en  pourroit  estre  seduict,  que  estant  aveugle  de  Dieu  et  mis  en  sens  reprouve  par  une  iuste  punition,  de  ce  qu'il  ne  l'aura  point  honnore,  en  mesprisant  sa  parolle.  C'est  la  cause  pourquoy  i'ay  si  fort  exhorte  tous  fideles,  d'avoir  tousiours  souvenance  quelle  est  la  fin  de  leur  vocation,  a  fin  de  n'en  iamais  decliner:  de  regarder  aussi  a  quoy  l'escriture  nous  est  donnee  et  comment  il  nous  en  faut  user,  a  fin  de  ne  la  point  profaner,  en  la  tirant  a  autre  usage,  que  Dieu  ne  l'a  ordonnee.  1)  tanquam  individua  copula  annexi.  2)  adversus  omnes  tempestates  et  procellas  invicti  stemus  3)  ut  solo  auditu  horrorem  incutere  debeant.  F  IN.