52:248  non  assentior.  Nam  quum  Paulus  ex  vinculis  scribens  Colossensibus  testetur  Laodicenses  nunquam  sibi  fuisse  visos:  coguntur  qui  in  illa  sunt  opinione,  quam  repudio,  duplicem  facere  Laodiceam  in  Asia  minore:  quum  alteram  non  celebrent  scriptores.  Deinde  Paulus  Timotheum  Ephesi  reliquerat,  ut  declarant  eius  verba,  quum  iret  in  Macedoniam.  Hanc  epistolam  aut  scripsit  ex  itinere,  priusquam  illuc  appulisset,  aut  iam  profectione  confecta,  reversus.  Atqui  longius  a  Macedonia  distare  Laodiceam  constat,  quam  Ephesum  ipsam.  Neque  rursus  verisimile  est,  ipsum  in  reditu  praeterita  Epheso  Laodiceam  se  contulisse:  praesertim  quum  illuc  eum  multae  causae  vocarent.  Itaque  magis  existimo  aliunde  eum  scripsisse.  Quamquam  hoo  ipsum  non  est  tanti  ut  velim  cum  dissentientibus  contendere:  fruatur  quisque  suo  iudicio:  tantum  indico  quid  magis  sit  (meo  iudicio)  probabile.