51:248  pourquoy  en  un  mot  il  se  contente  de  dire  qu'il  est  Apostre  de  nostre  Seigneur  Iesus  Christ.  Or  ici  nous  sommes  admonnestez  en  premier  lieu,  de  nous  tenir  a  la  pure  doctrine  que  nous  cognoissons  estre  procedee  de  Dieu:  car  suyvant  ceste  reigle  nous  ne  pouvons  faillir.  Et  d'autant  qu'en  nostre  Seigneur  Iesus  Christ  nous  avons  l'accomplissement  de  tout  ce  qui  est  requis  et  utile  pour  nostre  instruction,  que  nous  ne  soyons  point  en  doute  s'il  nous  faut  tenir  a  l'Evangile,  ou  s'il  y  faut  rien  adiouster:  contentons  nous  d'avoir  le  Fils  de  Dieu  pour  Maistre,  voire  d'autant  qu'il  luy  plaist  s'abaisser  iusques  la,  et  qu'il  en  a  prins  la  charge:  et  aussi  qu'il  proteste  que  quand  nous  aurons  bien  profite  en  sa  doctrine,  nous  serons  venus  iusqu'au  vray  but  ou  ii  nous  faut  parvenir.  Yoila  donc  le  premier  advertissement  que  nous  avons  a  recueliir  de  ce  passage,  c'est  que  nostre  foy  ne  soit  point  agitee  ni  ca  ni  la:  mais  qu'elle  ait  son  fondement  certain  et  immuable,  sur  lequel  elle  s'appuye,  c'est  a  scavoir  la  verite  de  Dieu,  voire  comme  elle  est  contenue  en  l'Evangile.  Et  d'autant  que  S.  Paul  nous  est  assez  approuve,  que  nous  ne  doutions  point  que  l'Esprit  de  Dieu  ne  parle  auiourd'huy  a  nous  par  sa  bouche,  et  que  nous  n'oyons  point  ceste  doctrine  comme  si  elle  estoit  subiete  a  nostre  iugement:  mais  que  nous  captivions  nos  sens  et  nos  esprits  pour  la  recevoir  sans  aucune  dispute,  sinon  que  nous  vueillions  a  nostre  escient  faire  la  guerre  a  Dieu  et  nous  eslever  contre  luy.  Voila  donc  encores  ce  que  nous  avons  a  observer  sur  ce  passage.  Et  au  reste,  a  fin  que  ceste  doctrine  non  seulement  ait  une  maieste  envers  noue,  mais  qu'elle  nous  soit  amiable,  notons  que  S.  Paul  a  parle  au  nom  de  Christ,  voire  lequel  nous  a  este  envoye  de  Dieu  son  Pere,  pour  nous  annoncer  la  paix.  Et  aussi  ayons  memoire  de  ce  qu'il  dit  en  l'autre  passage,  qu'il  a  este  establi  pour  porter  le  message  d'apointement,  et  qu'il  exhorte  au  nom  de  Dieu,  qu'on  se  reconcilie  a  Dieu.  Or  i'ay  dit  que  ceci  est  pour  nous  rendre  la  doctrine  de  l'Evangile  douce,  que  nous  la  desirions  et  que  nous  y  soyons  du  tout  adonnez.  Car  quand  il  nous  est  dit  que  Dieu  parle  a  nous,  il  est  vray  que  cela  est  assez  pour  authoriser  tout  ce  qu'il  dira:  mais  nous  pourrions  trembler  a  sa  voix,  et  cependant  elle  nous  seroit  fascheuse.  Comme  nous  en  voyons  beaucoup  qui  confesseront  assez  que  Dieu  merite  qu'on  luy  obeisse  et  qu'on  luy  soit  du  tout  subiet:  mais  cependant  ils  fuyent  et  s'esgarent  de  luy  tant  qu'ils  peuvent:  car  sa  voix  leur  est  terrible.  Mais  quand  Iesus  Christ  parle  a  nous  comme  estant  Mediateur  de  Dieu  et  des  hommes,  nous  pouvons  hardiment  approcher.  Car  (comme  il  est  dit  en  l'Epistre  aux  Hebrieux)  nous  ne  sommes  plus  comme  en  la  mon-