5:248  Nam  quamvis  Babylone  in  mediis  idololatriae  sordibus  versaretur,  quia  tamen  ab  omni  procul  aberat  communicationis  simulatione,  perinde  ac  si  longo  intervallo  disiunctus  esset,  maculam  nullam  contrahebat.  Quoniam  autem  in  consessu  populi  verae  pietati  videbat  non  fore  locum,  ab  eius  conspectu  subductus  obductis  coenaculi  foribus,  Deum  suum,  qua  decebat  puritate,  seorsum  colebat:  ita  in  publico  urbis  ac  gentis  errore  a  via  ipse  non  deflectebat.  Huc  et  illa  Iudaeis  in  lege  praecepta  observatio  spectabat,  ut  ne  1)  aurum  vel  argentum  e  gentium  sculptilibus  appeterent,  ac  inferrent  in  domos  suas  :  sed  quasi  spurcitiam  et  sordes  abominarentur,  quod  Domini  forent  anathemata.  ?챃ic  enim  ad  detestandum  id  omne,  exsecrandumque  quidquid  idoli  nomine  semel  inustum  fuisset,  eos  instituebat:  quo  ab  omni  gentilium  superstitionum  immunditie  animosius  abhorrerent.  Quod  si  tanta  externae  professionis  sinceritate  religionem  suam,  obscuram  adhuc  et  figuris  duntaxat  adumbratam,  sub  veteri  testamento  coli  voluit  Deus,  quanto  id  christianae  ecclesiae  verius  fuerit  praestandum:  cui  ipse  per  unigenitum  filium  dum  apparuit,  sapientiae  suae  mysteria  late  reseravit,  et  toto  veluti  ambitu  veritatem  suam  illucere  fecit?  Idque  ipsum  apostolorum  doctrina  confirmare  promptum  est:  nam  argumentum,  quo  Paulus  adversus  fornicationem  utitur,  quando  huius  quoque  loci  propriam  habet  rationem,  huc  accommodare  minime  absurdum  erit:  Nescitis,  inquit,  corpora  vestra,  membra  esse  Christi?  Tollens  ergo  membra  Christi,  faciam  membra  meretricis?  Absit  (1  Cor.  6,  15).  Sic  et  ad  eandem  nobis  formam  ratiocinari  licet:  Membra  nostra  quum  Christi  membra  sint,  idolorum  cultu  vel  immundis  superstitionibus  foedabimus?  at  quid  hoc  fuerit,  nisi  vel  Christi  gloriam  tali  subiicere  ignominiae:  vel  corpus  nostrum  a  Christi  corpore  abscindere,  ut  cum  idolis  [pag.  13]  fornicetur?  Quam  vero  demum  praeceptionem  subiicit,  ^.d  omnem  externam  moderationem  generalis  est:  ut  corpus  nostrum  meminerimus  templum  esse  spiritus  sancti:  nos  non  esse  nostros:  emptos  enim  esse  pretio  magno,  idcirco  portandum  et  glorificandum  Deum  in  corpore  nostro.  Ecquid  elucebit  in  corpore  nostro  Dei  gloria,  si  inter  sacrilegiorum  sordes  provolvatur?  Ecquid  sacra  templi  Dei  sanctitas  conservabitur,  si  alienis  profanisque  ritibus  polluatur?  Verum,  si  qua  alia  in  parte  vehemens  est  ad  officium  cohortator  Paulus,  in  hac  maxime  causa  vehementiae  suae  nervos  omnes  contendit,  dum  Christianos  admonet,  ne  quid  in  hominum  oculis  fidei  suae  confessione  indignum,  pravas  caeremonias  usurpando,  prae  se  ferant.  Duabus  autem  propositis  noxis,  Dei  inhonoratione,  et  hominum  offensione,  qu^s  secum  ferat  1)  non,  1576  seqq.