29:248  vaserit,  et  igne  mutuo  conflagraverit,  ut  nullum  remedium  aut  exiguum  amplius,  propter  alte  iactas  radices,  supersit.  Porro  si  serpentibus  malis  et  istiusmodi  corruptionibus  mature  occurratur,  plebique  metus  iniiciatur,  tunc  futurum  est  ut  incendiorum  ac  pestis  vis  omnis  debilitata  corruat,  et  in  otio  ac  tranquillitate  vitam  honestam  quisque  transigat.  Contra,  nisi  occursum  sit,  etsi  ab  initio  quosdam  contagio  non  polluerit,  tamen  futurum  est  ut  progressu  temporis  eodem  cum  caeteris  incendio  et  lue  concipiantur.  Quis  ergo  miretur  Elcanam,  progenie  licet  sacerdotali  oriundum,  (etsi  culpa  hoc  eum  non  eximit)  consuetudine  tamen  deceptum  duas  uxores  siirml  duxisse,  quandoquidem  illo  saeculo  non  haberetur  in  vitio  digamia.  Hinc  discamus,  monitorem  apostolum  sequuti,  non  permittere  ut  ulla  radix  amara  suppullulet,  puta  pravae  consuetudines,  quibus  a  sincero  Dei  cultu  vel  tantillum  avertamur,  illis,  si  semel  succreverint,  tantum  virium  habituris  ut  vix  quin  aliqua  labes  adhaereat  restitui  puritas  possit.  Caeterum  ex  nimia  prolis  cupiditate,  non  autem  ex  nimio  voluptatis  pruritu  verisimile  est  Elcanam  duas  uxores  duxisse,  quandoquidem  uxorem  dilexisse  dicitur.  Quare  igitur  priori  quam  diligebat  alteram  superinduxit?  Forte  quis  hic  eum  scortationis  accusaverit,  sed  excusant  contextus  verba,  quod  factum  istud  propter  prioris  sterilitatem  dicant.  Neque  propterea  tamen  secundum  istud  priori  superinductum  matrimonium  Deo  comprobatum  fuisse  dicendum  est.  Verum  quum  promissiones  a  Deo  veteres  illi  de  seminis  benedictione  et  multiplicatione  accepissent,  in  polygamiam  nimium  propendebant  :  sed  maxime  quum  specialem  de  Messia  ex  ipsorum  sobole  venturo  promissionem  haberent,  in  quo  essent  omnes  nationes  benedicendae,  summis  votis  ex  se  nasci  expetebant.  At  non  ideo  tamen  lex  coniugii  et  Domini  institutio  violanda.  Quare  danda  nobis  opera  ut  nos  intra  limites  contineamus  :  atque  si  vel  prolis,  vel  alterius  cuiuslibet  rei  cupidi  sumus,  quae  nec  Dei  gloriae,  nec  nostrae  saluti  contraria  sit,  eam  a  Deo  nobis  concedi  precibus  postulemus,  exitumque  Deo  commendemus.  Namque  Deus  Abrahamo  sobolis  tantam  propagationem  ut  marini  littoris  arenam  superaret  pollicens,  neque  sibi  ipsi  contrarius  esse,  neque  a  se  constitutum  ordinem  violare  voluit.  Sed  Israelitae,  ut  natura  pravi  erant,  magnam  confusionem  et  corruptionem  invexerant.  Verum  ad  verbi  divini  normam  examinandi  sunt:  neque  enim  Israelitarum  nomen  ad  sordes  et  carnis  inquinamenta,  sed  potius  ad  vitae  sanctimoniam  et  precum  assiduitatem  datum  illis  a  Domino  fuerat.  Nulla  enim  in  Deo  est  mutatio.  Quare  licet  Elcana  prolis  suscipiendae  capiatur  amore,  prioremque  uxorem  diligat,  tamen  secundam  inductam  uxorem  Deo  bonae  intentionis  praetextu  probare