27:248  pas  reprimez  vivement  comme  la  chose  le  requiert:  c'est  autant  comme  si  nous  disions:  Et  bien,  il  faut  contenter  Dieu:  mais  de  faire  mourir  un  homme  pour  avoir  blaspheme:  et  que  seroit-ce?  Voila  ou  on  en  est.  Or  cependant  Dieu  ne  laissera  point  de  se  priser  comme  nous  avons  dit:  mais  ce  sera  a  nos  despens,  quand  nous  y  aurons  ainsi  procede.  Et  voila  qui  est  cause  de  faict,  que  nous  voyons  le  monde  infecte  de  beaucoup  de  troubles,  et  d'erreurs  :  c'est  (di-ie)  nostre  laschete,  d'autant  que  nous  n'avons  ne  zele  ni  affection  de  repousser  les  mensonges  de  Satan.  Qui  pis  est  il  y  en  a  beaucoup  qui  les  nourrissent  a  leur  escient:  et  cependant  on  criera  que  tout  est  confus,  que  tout  est  dissipe,  qu'il  y  a  des  troubles  si  grands  que  c'est  pitie.  Et  qui  en  est  cause?  Ce  sont  les  princes  qui  veulent  maintenir  les  erreurs,  et  les  advancent  entant  que  en  eux  est,  et  semble  que  Satan  les  ait  la  constituez  comme  pour  tenir  bon  a  l'encontre  de  Dieu,  et  de  toute  sa  parolle:  le  peuple  aussi  ne  demande  que  d'estre  abbreuve  de  mensonge:  chacun  appette  cela,  et  Dieu  l'envoye.  Car  comme  nous  avons  declaire  auparavant,  c'est  un  salaire  qui  est  iuste.  Que  faut-il  donc  crier  helas,  et  que  se  faut-il  tormenter,  quand  chacun,  et  grands,  et  petits  ne  demandent  sinon  d'aneantir  la  verite  de  Dieu,  et  de  donner  la  vogue  a  tous  mensonges?  Ainsi  apprenons  d'avoir  sur  tout  ce  zele,  et  ceste  affection  que  nostre  Seigneur  nous  commande:  ou  autrement  il  faudra  que  les  heresies,  et  erreurs  en  la  fin  nous  crevent  les  yeux,  si  on  les  nourrit  ainsi  comme  on  le  voit.  Prenons  l'exemple  que  nous  avons  desia  touche  d'Ananias  et  de  Ieremie.  Voila  Ieremie  qui  a  enseigne  au  nom  de  Dieu,  il  est  assez  approuve  qu'il  ne  s'est  point  ingere  de  soy-mesme:  cependant  le  peuple  veut  qu'on  le  laisse  en  paix,  et  chacun  se  desborde  en  ses  cupiditez  meschantes,  on  n'en  peut  chevir,  les  menaces  que  Dieu  fait  sont  trop  fascheuses:  pour  ceste  cause  chacun  demande  qu'on  resiste  a  Ieremie  :  Et  cest  homme  ici  nous  faschera-il  tousiours?  Or  Dieu  envoye  ce  seducteur,  qui  vient  dementir  Ieremie  en  plein  temple:  et  n'y  a  nulle  doute  que  beaucoup  n'en  fussent  scandalisez,  qui  pouvoyent  regarder:  Quoy?  Nous  avons  ici  le  temple  de  Dieu,  comme  il  Fa  ordonne,  et  c'est  la  ou  il  veut  estre  adore:  nous  avons  la  Loy:  nous  avons  les  promesses  que  Dieu  habitera  tousiours  au  milieu  de  nous:  et  voici  deux  prophetes,  l'un  dit:  Vous  irez  en  captivite:  l'autre  dit:  II  n'en  sera  rien:  et  mesmes  ce  seducteur  vient  souffletter  Ieremie  comme  par  opprobre,  et  le  dement,  qu'il  faut  que  le  Prophete  de  Dieu  soit  la  comme  confus,  voyant  un  tel  trouble.  Comme  i'ay  desia  dit,  beaucoup  en  pouvoyent  estre  fort  esmeus.  Mais  quoy?  Regardons  un  peu  l'estat  du  peuple.  Car  quand  les  gouverneurs  sont  assemblez,  lesquels