20:248  ayent  contrainct  Monsieur  de  Coulonge  a  fere  tel  advertissement  pour  medecine  preservative,  ou  sil  sest  trop  avance  et  quil  y  ait  eu  de  Inconsideration.  Tant  y  a  que  le  mary  de  son  coste  sest  par  trop  desborde  quand  on  luy  a  offert  de  luy  satisfaire,  et  la  responce  aussi  et  refus  de  Monsieur  de  Coulonges  sent  plus  son  ambition  et  vanite  mondaine  que  la  modestie  dun  homme  de  nostre  estat,  dont  ie  suis  bien  marry.  Car  il  se  seroit  oublie  par  trop.  Si  les  parties  saccordent  a  desduire  leur  faict,  ie  tascheray  tant  quil  me  sera  possible  de  remedier  au  mal,  quelque  part  quil  se  trouve.  Sur  ce  poinct,  Madame,  ie  confesse  quil  est  bien  a  craindre  que  Dieu  ne  nous  laisse  pas  iouir  long  temps  des  biens  quil  nous  a  faitz,  attendu  que  chascun  est  tellement  adonne  a  soy,  que  nous  ne  scavons  que  cest  de  supporter  nos  prochains  en  humilite  et  doulceur.  Et  tant  sen  fault  que  nous  aimions  nos  ennemis,  taschans  de  vaincre  le  mal  en  bien  faisant,  quil  ny  a  nulle  mansuetudo  pour  entretenir  en  fraternite  ceus  qui  se  glorifient  destre  Chrestiens.  Toutesfois  ie  vous  prie  de  rechef,  Madame,  de  ne  vous  plus  arrester  sur  ceste  distinction  laquelle  vous  trompe,  cuidant  quil  estoit  permis  soubz  la  loy  de  se  vanger,  pourtant  quil  est  dict:  oeil  pour  oeil.  Car  il  estoit  aussi  bien  defandu  alors  que  soubz  levangile,  veu  quil  est  commande  de  bien  fere  a  la  beste  de  son  ennemy.  Mais  ce  qui  sadressoit  aux  iuges,  chascun  particulier  lappliquoyt  a  soy,  et  reste  labus  que  nostre  seigneur  Iesuschrist  corrige.  Quoy  qnil  en  soyt,  nous  accordons  ensemble  que  pour  estre  recognuz  enfans  de  Dieu,  il  nous  convient  conformer  a  son  exemple,  taschant  de  bien  fere  a  ceus  qui  nen  sont  pas  dignes,  comme  il  faict  luyre  son  soleil  sur  les  mauivais  et  sur  les  bons.  Ainsi  haine  et  Chrestiente  sont  choses  incompatibles.  Ienten  haine  contre  les  personnes,  et  contraire  a  lamour  que  nous  leur  devons:  cest  de  souhaiter  et  mesme  procurer  leur  bien,  et  mettre  poine,  en  tant  quen  nous  sera,  de  nourrir  paix  et  concorde  avec  tous.  Or  si  ceux  qui  ont  charge  dabattre  toute  inimitie  et  rancune,  reconcilier  les  ennemis,  exhorter  a  patience,  reprimer  tout  appetit  de  vengeance,  sont  bouttefeuz,  tant  pis  et  tant  moins  y  a  il  dexcuse.  Tant  y  a,  Madame,  que  les  faultes  qui  vous  desplaisent  ne  vous  doivent  refroidir  ou  empescher  de  continuer  comme  vous  avez  bien  commence.  Et  ie  scay  que  Dieu  vous  a  m  unie  de  telle  vertu,  quil  nest  pas  besoing  de  vous  en  solliciter  dadvantage.  Parquoy  ie  me  confie  que  vous  monstrerez  exemple  de  charite  a  ceux  qui  ne  scavent  que  cest,  et  rendrez  par  votre  integrite  et  rondeur  confus  ceus  qui  usent  envers  vous  de  feintise  et  dissimulation.  Ie  loue  Dieu  daultre  part  quil  vous  a  faict  cognoistre  quel  est  Monsieur  ladmiral,  pour  prendre