10.1:248  quelque  certaine  et  particuliere  sentence  de  Dieu  mais  seullement  selon  la  rigle  dequite.  La  chose  sera  plus  claire  par  un  exemple.  Il  y  aura  quelque  riche  homme  en  possessions  et  en  revenus,  il  naura  pas  argent  present.  Il  y  en  aura  ung  aultre  mediocrement  riche  en  chevance,  pour  le  moins  aulcunement  plus  bas  mais  lequel  aura  plus  dargent  tout  prest.  Sil  ce  presente  quelque  opportunite  voluntiers  cestuy  cy  achepteroit  une  possession  de  son  argent.  Cependant  celuy  la  premier  luy  demandera  avec  grande  requeste  quil  luy  preste  argent.  Il  est  en  la  puissance  de  cestuy  cy  soubs  tiltre  daschapt  dimposer  pension  a  sa  chevance1)  iusques  largent  luy  soit  rendu.  Et  en  ceste  maniere  la  condition  seroit  meilleur:  neantmoins  il  sera  content  dusure.  Pourquoy  sera  celle  pache2)  iuste  et  honneste,  ceste  cy  faulse  et  meschante?  Car  il  faict  plus  amiablement  avec  son  frere  en  accordant  de  lusure  que  si  il  le  contraignoit  a  hypothequer  la  piece?  Quest  cecy  aultre  chose  sinon  se  iouer  avec  Dieu  a  la  maniere  denfant,  de  (estimer  des  noms3)  et  non  pas  de  verite  ce  que  se  faict?  comme  sil  estoit  en  nostre  puissance,  en  changeant  le  nom,  de  vertus  faire  vices  ou  de  vices  vertus.  Ie  nay  pas  icy  delibere  de  disputer.  Il  suffit  de  monstrer  la  chose  au  doict  affin  que  vous  la  poisies  plus  diligemment  en  vous  mesme.  Ie  vouldroye  neantmoins  que  vous  eussies  tousiours  cecy  en  memoire,  ascavoir  que  les  choses  et^non  pas  les  parolles  ne  les  manieres  de  parler  sont  icy  appellees  en  iugement.  Maintenant  ie  viens  aux  exceptions:  car  il  fault  bien  regarder,  comme  iay  dict  au  commencement,  de  quelle  cautelle  il  est  besoing,  car  pource  que  quasi  tous  cherchent  un  petit  mot,  affin  quilz  se  complaisent  oultre  mesure,  il  convient  user  de  telle  preface,  ascavoir  que  quand  ie  permetz  quelques  usures  ie  ne  les  fay  pourtant  pas  toutes  licites.  En  apres  ie  nappreuve  pas  si  quelcun  propose  faire  mestier  de  faire  gain  dusure.  En  oultre  ie  nen  concede  rien  sinon  en  adioustant  certaines  exceptions.  La  premiere  est  que  on  ne  prenne  usure  du  pauvre  et  que  nul  totalement  estant  en  destroict  par  indigence  ou  afflige  de  calamite  soit  contrainct.  La  seconde  exception  est  que  celuy  qui  preste  ne  soit  tellement  intentis  au  gain  quil  defaille  aux  offices  necessaires,  ne  aussi  voulant  mettre  son  argent  seurement  il  ne  deprise  ses  pauvres  freres.  La  tierce  exception  est  que  rien  nintervienne  qui  naccorde  avec  equite  naturelle,  et  si  on  examine  la  chose  selon  la  rigle  de  Christ^  ascavoir  ce  que  vous  1)  ut  fundus  ex  illa  emptus  ipsi  in  hypothecam  subiiceretur.  2  )  contractus.  3)  ex  verbis  nudis.