9:247  247  ULTIMA  ADMONITIO  248  tatur  omne  genu.  Atque  haec  vera  est  plenaque  imperii  et  potestatis  libertas,  quatenus  ecclesiae  caput  est,  omnia  implere.  Verum  praepostere  hoc  ad  probandam  carnis  immensitatem  trahitur.  Longe  enim  augustius  erit,  quamvis  secundum  carnem  coelos  inhabitet,  spiritus  sui  virtute  sursum  et  deorsum  praesentem  se  exhibere,  ut  visum  est,  quam  si  carnis  praesentiae  necessario  alligetur  operandi  virtus.  Dicimus  Christum  mediatorem  locorum  distantia  non  impediri,  [pag.  314]  quominus  vitam  nobis  ex  carne  sua  instillet,  ac  praesentem  eius  carnis  efficaciam  exserat,  in  qua  semel  nos  reconciliavit  patri:  carnem  illam  praedicamus  non  secus  esse  vivificam,  ac  terreno  pane  corpus  nostrum  alitur.  Superba  ista  gigantum  factio,  nisi  coram  sistatur  caro  Christi,  nullam  eius  praesentiam  agnoscit.  An  non  hoc  est  eum  in  angustias  cogere?  Quomodo  e  sepulcro  clauso  exierit,  et  per  fores  clausas  ingressus  sit  ad  discipulos,  alibi  exposui:  ut  liquido  constet,  perperam  et  inscite  hoc  praetextu  colligi,  Christi  ascensum  meras  fuisse  praestigias.  Iam  quum  ructandis  maledictis  nullum  faciant,  modum,  fingunt  tamen  in  hoc  se  esse  totos,  ut  nos  ad  ipsam  rei  cognitionem  trahant.  Interim  quia  illis  forte  quispiam  scythicam  barbariem  obiecit,  de  ea  voce  tam  fervide  tumultuantur,  ut  causa  ipsa  effluat:  sibi  indigne  crimen  hoc  obiici  ob  eam  doctrinam,  cuius  Christum,  apostolos  et  omnes  orthodoxos  scriptores  habent  [pag.  315]  autores.  Atqui  hoc  imprimis  erat  considerandum,  an  Christus  dicendo:  Edite,  hoc  est  corpus  meum,  corpus  suum  transformaverit,  ut  eodem  momento  mortale  et  immortale,  visibile  et  invisibile,  loco  circumscriptum  et  immensum  esset.  Deinde,  an  Christi  verba  posteri  ad  prodigiosum  hoc  commentum  traxerint,  ac  si  substantialiter  Christi  carnem  comederent,  quibus  in  coena  panis  porrigitur.  Neque  enim,  nisi  hoc  probato,  a  crimine  liberantur.  Quid  vero  impudentius,  quam  proterva  fronte  iactare  veteris  ecclesiae  consensum,  qui  toties  illis  excussus  est?  Tropum  non  admittunt,  quia  nullus  in  verbis  tam  manifestis  esse  potest:  Hoc  est  corpus  meum.  Quasi  vero  non  aeque  manifestus  sit  sermo:  Super  quem  videris  spiritum  sanctum.  Si  in  ventosa  garrulitate  equitare  libeat,  quam  alte  nos  efferret  verbum  Videndi,  nomen  Spiritus?  Et  tamen  si  speciem  columbae  dicant  fuisse  spiritum,  nihil  absurdius.  Falso  hic  criminantur  tropum  nos  comminisci,  quia  ad  mysterii  altitudinem  non  perveniat  rationis  nostrae  [pag.  316]  captus.  Quasi  vero  sub  sensus  nostros  cadat  incomprehensibilis  illa  quam  asserimus  communicatio.  Nisi  talibus  imposturis  ludere  desinant,  quam  vereor  ne  retegantur  eorum  dedecora,  quae  operta  manere  praestaret.  Certe  traducendis  eorum  ineptiis  adeo  non  oblector,  ut  earum  me  quoque  pudeat.  Ac  facile  patior  quaecunque  in  nos  evomunt  probra,  sine  defensione  legi: