7:247  247  CONTRE  LA  SECTE  DES  LIBERTINS.  248  autres.  Comme  si  ces  commandemens  estoyent  donnez  en  vain:  Tu  honnoreras  pere  et  mere.  Hommes  1)  aymez  voz  femmes  et  que  pareillement  les  femmes  ayment  leurs  [page  240]  maris  (Exod.  20,  12;  Matth.  15,  4;  Ephes.  5,  25  etc).  Mais  nous  avons,  dit  il,  une  fraternite  spirituelle  qui  vaut  beaucoup  mieux.  Ie  le  confesse.  Mais  l'une  ne  derogue  rien  a  l'autre:  moyennant  que  chacune  demeure  en  son  degre.  Item,  quand  il  dit  qu'il  ne  nous  faut  pas  faire  les  commandemens  de  Dieu,  a  cause  qu'il  les  nous  commande:  mais  pource  qu'il  nous  en  a  monstre  l'exemple  seulement.  Item,  quand  il  dit  que  c'est  porter  nostre  croix,  de  porter  patiemment  d'estre  faictz  vaisseaux  d'ignominie.  Au  lieu  que  Dieu  nous  met  tousiours  audevant  ceste  consolation  pour  nous  "exhorter  a  patience,  que  la  croix  que  nous  endurons,  est  une  societe  avec  celle  de  Iesus  Christ,  a  fin  qu'estans  conformes  a  son  image  nous  communiquions  a  sa  resurrection  glorieuse,  et  par  consequent  soyons  faictz  vaisseaux  d'honneur,  non  pas  d'ignominie.  Ie  croy  qu'il  n'y  a  nul  qui  ne  voye  combien  telz  livres  infectez  d'opinions  si  phantastiques,  sont  a  fuir:  ce  que  i'ay  voulu  monstrer,  et  non  plus.  Conclusion  du  present  livre.  [page  241]  Maintenant  ie  prie  tous  ceux  qui  cherchent  Dieu  d'affection,  et  ayment  d'obeir  a  sa  verite,  qu'ilz  considerent  bien  icy  comme  en  un  miroir,  quelle  et  combien  pernicieuse  peste  c'est  de  se  laisser  divertir  de  la  pure  simplicite  de  Iesus  Christ.  Car  c'est  un  exemple  espouventable  de  l'ire  de  Dieu,  que  des  hommes,  qui  sont  creatures  raisonnables,  mesme  ayans  este  illuminez  en  quelque  bonne  intelligence,  tombent  en  si  horribles  tenebres,  que  de  se  faire  semblables  a  bestes  brutes.  Pour  eviter  un  tel  inconvenient,  advisons  de  poursuyvre  nostre  vocation  en  crainte  et  solicitude:  mettons  peine  a  profiter,  mais  en  bonne  doctrine  et  utile:  ayans  sur  tout  ce  but,  que  nous  n'appetions  point  de  rien  savoir,  que  ce  qu'il  a  pleu  a  Dieu  nous  reveler  en  son  escriture:  ne  assubiectissons  1)  Maris  1611.