55:247  247  EPIST.  PETRI  I  248  17.  Omnes  honorate,  fraternitatem  diligite,  Deum  timete,  regem  honorate.  Est  brevis  conclusio  superiorum,  significat  enim,  nec  Deum  timeri,  nec  suum  ius  reddi  hominibus,  nisi  ordo  politicus  inter  nos  vigeat,  et  ius  imperii  sui  magistratus  teneant.  Quod  honorem  omnibus  haberi  iubet,  sic  interpretor,  nullos  esse  negligendos.  Est  enim  generale  praeceptum  quod  ad  fovendam  hominum  societatem  spectat.  Honorii  nomen  Hebraeis  late  patet.  Scimus  autem  apostolos,  licet  graece  scriberent,  eius  linguae  phrasim  sequutos  esse.  Quare  mihi  non  aliud  sonat  haec  loquutio,  quam  ut  omnium  ratio  habeatur:  quandoquidem  pacem  cum  omnibus  et  amicitiam,  quantum  in  nobis  est,  colere  debemus:  concordiae  vero  nihil  magis  adversum  quam  contemptus.  Quod  subiicit  de  fratrum  amore,  speciale  est,  prioris  respectu.  Loquitur  enim,  de  singulari  amore,  quo  domesticos  fidei  prosequi  iubemur:  quia  magis  arcta  necessitudine  cum  illis  sumus  coniuncti.  Hos  itaque  gradus  Petrus  noluit  omittere  :  sed  tamen  admonet,  utcunque,  praeferendi  sint  fratres,  hoc  tamen  non  obstare  quin  caritas  nostra  ad  totum  humanum  genus  se  extendat.  Nomen  f  r  a  t  e  r  n  i  t  a  t  i  s  collective  accipio  pro  ipsis  fratribus.  Deum  timete.  Iam  dixi  has  omnes  sententias  ad  praesentem  causam  accommodari  a  Petro.  Significat  enim,  honorem,  qui  regibus  defertur,  ex  timore  Dei  et  hominum  caritate  oriri,  atque  ideo  esse  cum  ipsis  coniunctum:  ac  si  dixisset,  Quisquis  Deum  timet,  fratres  suos  amat,  et  totum  humanum  genus  quo  decet  affectu  complectitur,  is  regibus  quoque  honorem  habebit.  Atque  interim  Caesarem  nominat,  quia  haec  imperii  species  prae  aliis  erat  odiosa,  et  sub  ea  reliquae  continebantur.  18.  Famuli  subiecti  sint  cum  omni  timore  dominis  suis:  non  solum  nobis  et  humanis,  sed  etiam  pravis.  19.  Haec  enim  est  gratia,  si  propter  conscientiam  Dei  quispiam  molestias  ferat,  patiens  iniuste.  20.  Qualis  enim  gloria,  si  quum  peccantes  alapis  caedimini,  suffertis?  Sed  si  bene  facientes  et  malis  affecti  suffertis,  haec  gratia  apud  Deum.  18.  Famuli  subiecti.  Tametsi  haec  est  particularis  admonitio,  cohaeret  tamen  cum  proxima,  sicuti  aliae  quae  sequentur.  Nam  quod  servi  iubentur  parere  dominis,  uxores  item  maritis,  partes  sunt  subiectionis  politicae.  Primum  servos  vult  esse  cum  omni  timore:  quo  nomine  significat  purum  et  voluntarium  reverentiae  affectum:  quia  id  se  ex  officio  debere  agnoscant.  Ergo  timorem  tam  simultationi  quam  violentiae  coactioni  opponit.  Nam  ocp^aX(JLodouXe(a  (ut  Paulus  vocat  Colos.  3,  12)  timori  contraria  est.  Deinde  si  adversus  necessi-