52:247  247  ARGUMENTUM.  248  recipi,  sed  quae  tota  vita  probatae  ad  annum  sexagesimum  pervenerint,  et  nullum  habeant  onus  domesticum.  Inde  ad  presbyteros  transit:  et  qualiter  tractandi  sint  tum  in  victu,  tum  in  disciplina,  admonet.  Hanc  doctrinam  gravi  contestatione  quasi  sancit:  et  iterum  prohibet  ne  quos  temere  in  ordinem  presbyterii  recipiat.  Hortatur  ut  levandae  valetudinis  causa  vinum  bibat  aquae  loco.  In  sine  capitis  hortatur  ut  in  peccatis  occultis  iudicium  suspendat.  Sexto  capite,  de  servorum  officio  praecipit:  et  hac  occasione  in  falsos  doctores  invehitur,  qui  de  otiosis  speculationibus  litigando  quaestui  magis  quam  aedificationi  intenti  sunt:  et  quam  exitiosa  sit  pestis  avaritia,  docet.  Inde  iterum  ad  contestationem  priori  similem  revolvitur,  ne  frustra  Timotheo  haec  praeceperit.  Sub  finem,  postquam  obiter  de  divitibus  meminit,  iterum  prohibet  Timotheo  ne  se  inanibus  doctrinis  impediat.  Yulgatae  Graecorum  inscriptions  quae  habet  hanc  epistolam  fuisse  Laodicea  missam,