51:247  247  SERMON  I  248  donques  ce  principe-la  comme  tout  resolu,  que  si  quelqu'un  s'ingere  de  parler  en  son  nom,  il  n'y  a  que  temerite  en  luy.  Pourquoy?  car  il  s'usurpe  ce  qui  appartient  a  Dieu  seul.  Et  au  reste,  puis  que  nostre  Seigneur  Iesus  Christ  a  este  envoye  a  ceste  condition  qu'il  nous  donnast  une  conclusion  finale  pour  avoir  telle  sagesse  qu'il  n'y  eust  plus  que  redire,  voila  pourquoy  sainct  Paul  dit  qu'il  est  Apostre  envoye  de  luy.  Cela  presuppose  deux  choses:  l'une,  c'est  que  sainct  Paul  avoit  la  charge  qui  luy  estoit  commise:  et  puis,  qu'il  s'en  est  acquitte  deuement,  qu'il  s'est  employe  fidelement  en  l'office  auquel  il  estoit  appele.  Car  si  un  homme  estoit  le  plus  suffisant  et  le  plus  excellent  du  monde,  quand  il  se  met  en  avant  de  soy  et  de  son  mouvement  propre,  il  trouble  toute  police.  Et  nous  scavons  que  Dieu  veut  qu'il  y  ait  ordre,  et  non  point  confusion  entre  nous,  comme  sainct  Paul  en  parle  au  quatorzieme  chapitre  de  la  premiere  aux  Corinthiens.  Il  faut  donc  que  celuy  qui  parle,  voire  pour  enseigner,  que  celuy-la  ait  sa  vocation,  c'est  a  dire,  qu'il  y  soit  appele,  qu'il  ait  sa  charge,  tellement  que  chacun  ne  s'avance  point  d'un  zele  inconsidere,  comme  nous  avons  dit.  Au  reste,  de  parler  plus  outre  de  la  vocation  de  sainct  Paul,  il  n'est  ia  besoin  pour  ceste  heure:  car  nous  scavons  comment  Dieu  luy  a  rendu  tesmoignage  qu'il  l'advouoit  pour  son  Apostre.  Et  de  faict,  il  n'en  dispute  pas  ici  beaucoup,  pource  qu'en  l'Eglise  d'Ephese  cela  estoit  assez  cognu.  Mais  d'autant  que  les  Galates  avoyent  este  troublez  par  des  seducteurs,  et  que  la  on  avoit  amoindri  l'authorite  de  sainct  Paul  et  mesmes  le  nom  de  Dieu,  nous  avons  veu  qu'il  se  maintenoit  en  son  degre,  allegant  qu'on  ne  pouvoit  pas  luy  oster  la  reverence  qui  estoit  deue  a  un  Apostre  de  Iesus  Christ,  qu'on  ne  renversast  l'ordre  de  Dieu.  Ici  ce  luy  est  assez  d'avoir  dit  en  un  mot,  qu'il  est  Apostre  de  Iesus  Christ.  Venons  au  second  que  nous  avons  touche,  qu'il  ne  suffit  pas  qu'un  homme  soit  appele,  sinon  qu'il  s'acquitte  en  pure  conscience  et  integrite  de  son  office.  Et  S.  Paul  prend  aussi  cela  comme  une  chose  toute  conclue:  et  il  en  avoit  donne  assez  d'experience.  Car  les  seducteurs  se  pourront  bien  vanter  a  pleine  bouche  qu'ils  sont  appelez  (comme  on  le  voit).  Car  tous  ceux  qui  bataillent  contre  Dieu  et  sa  parole,  qui  mettent  trouble  et  zizanie  en  l'Eglise,  voudront  faire  bouclier  de  cela  et  aussi  de  leur  zele:  car  ils  s'appeleront  Chrestiens  tant  et  plus:  mais  cependant  S.  Paul  avoit  assez  approuve  comme  il  n'estoit  point  venu  de  soy-mesme,  et  comme  aussi  ii  ne  taschoit  sinon  a  s'employer  pour  l'edification  de  l'Eglise,  d'autant  que  cela  estoit  tout  cognu  en  Ephese  (ainsi  que  nous  le  pouvons  recueillir  de  l'histoire  de  sainct  Luc)  et  que  mesmes  il  y  avoit  soustenu  de  si  grans  combats,  voila