50:247  247  EPIST.  PAULI  AD  GALATAS  248  ad  iustificandum  solam  valere.  Papistae  ipsi,  carnificum  instar,  fidem  misere  lacerant,  quum  nunc  informem  faciunt  et  caritate  vacuam,  nunc  formatam.  Nos  autem  veram  fidem  negamus  a  spiritu  regenerationis  posse  divelli.  Sed  quum  de  iustificationis  causa  agitur,  tunc  excludimus  omnia  opera.  Quantum  ad  praesentem  locum  attinet,  Paulus  nequaquam  disputat  an  caritas  ad  iustificandum  cooperetur  fidei,  sed  tantum  indicat  quae  nunc  sint  vera  fidelium  exercitia:  ne  Christianos  videatur  otiosos  facere  et  quasi  truncis  similes.  Ergo  quum  versaris  in  causa  iustificationis,  cave  ullam  caritatis  vel  operum  mentionem  admittas:  sed  mordicus  retine  particulam  exclusivam.  Quod  autem  hic  Paulus  de  iustificatione  non  tractet,  nec  eius  laudem  caritati  ex  parte  assignet,  inde  evincere  promptum  est,  quod  eodem  argumento  sequeretur,  circumcisionem  et  caeremonias  olim  iustificasse.  Nam  sicuti  in  Christo  Iesu  fidem  cum  caritate  commendat  :  ita  ante  Christi  adventum  requirebantur  caeremoniae.  Verum  id  nihil  ad  promerendam  iustitiam,  papistis  etiam  ipsis  concedentibus.  Ergo  neque  id  de  caritate  sentiendum.  7.  Currebatis  bene,  quis  vos  impedivit  ne  obediretis  veritati?  8.  Persuasio  non  est  ex  eo,  qui  vocavit  vos.  9.  Modicum  fermentum  totam  massam  fermentat.  10.  Ego  persuasus  sum  de  vobis  in  Domino,  quod  non  aliud  sitis  sensuri:  qui  autem  turbat  vos,  portabit  iudicium,  quisquis  sit.  ll.  Ego  autem,  fratres,  si  circumcisionem  adhuc  praedicem,  quid  adhuc  persequutionem  patior?  exinanitum  est  scandalum  crucis.  12.  Utinam  etiam  abscindantur  qui  vos  conturbant.  7.  Currebatis  bene.  Exprobrationem  praesentis  defectionis  consulto  superioris  cursus  laudi  miscet,  ut  pudore  suffusi  alacrius  se  in  viam  recipiant.  Admirationis  est  quod  interrogat  quisnam  eos  abduxerit  a  recto  cursu:  quo  plus  incutiat  verecundiae.1)  Verbum  rceKteafrat  iterum  obedire  potius  vertendum  censui,  quam  credere:  quia  iam  semel  evangelii  puritatem  amplexi,  ab  obsequio  abducti  erant.  8.  Persuasio  non  ex  eo.  Ante  pugnavit  rationibus:  nunc  ad  extremum  autoritate  agit,  quum  exclamat,  persuasionem  aliunde  profectam  quam  a  Deo.  Haec  enim  admonitio  non  ita  multum  haberet  momenti,  nisi  personae  autoritate  fulta.  Sed  Paulus  iure  suo  tam  confidenter  loqui  poterat  apud  Galatas,  qui  praeco  illis  fuerat  divinae  vocationis.  Ideo  non  nominat  Deum,  sed  periphrasi  designat:  ac  si  diceret:  Deus  minime  secum  pugnat:  is  est  qui  mea  praedicatione  vos  in  salutem  vocavit.  Aliunde  igitur  nova  haec  persuasio  profecta  est.  Ideo  si  *)  pudoris.