5:247  EPISTOLA  I.  -visum  est,  quam  paululum  inflexis  coram  statua  poplitibus,  regis  oculis  satisfacere.  Quorum  aut  nos  insaniam  rideamus,  quod  nullam  adeo  ob  causam  potentissimi  regis  iracundiam  in  se,  magno  capitis  sui  discrimine,  inflammarint:  vel  exemplo  discamus,  externae  quoque  susceptaeque  in  hominum  gratiam  idololatriae  gravius  omni  morte  subesse  piaculum.  Quare,  quum  e  duobus  eligendum  esset  alterum,  aut  ut  excusso  Dei  timore  scelerato  edicto  obsequerentur,  aut  homines  prae  Deo  contemnere  palam  declararent,  notum  esse  regi  voluerunt,  quod  eius  non  colerent  deos,  nec  quam  erexerat  statuam,  adorarent.  Parem  etiam  Danielis  ipsius  in  causa  perquam  simili  constantiam,  quicunque  sit  ille  scriptor,  qui  ad  eius  prophetiam  appendicem  (Dan.  14)  adiecit,  commemorat:  quum  maluisse  narrat  leonum  unguibus  se  discerpendum  permittere  quam  ad  draconis  cultum,  qui  pro  Deo  a  caeteris  colebatur,  genu  submittere.  At  quoniam  non  omnibus  fidem  facit  historia,  ex  ea  fidem  dictis  meis  conciliare  supersedeo.  Porro  ne  qui  ab  adorandis  statuis  caput  duntaxat,  aut  genu  abstinuisset,  ideo  se  perfunctum  existimaret,  plurima  addidit  praecepta  Dominus  de  caeremoniis  suis  sancte  custodiendis,  de  viis  gentium  in  totum  fugiendis.  Apud  prophetam  (Ies.  52,  11)  autem  uno  verbo  pronunciavit,  quam  procul  ab  omni  impietatis  communicatione  abesse  populum  suum  vellet,  quum  Iudaeis  Babylonem  deportatis  omnino  interdixit,  immundum  ne  attingerent.  Qua*)  clausula  (ut  Paulus  interpretatur)  summatim  comprehendit,  ne  qua  religionis  suae  sanctitate  aliena  indignaque  caeremonia  se  contaminarent.  Nam  Corinthiorum  ecclesiae  de  ea  re  praecipiens  ad  colligendam  totius  suae  sententiae  summam,  hoc  testimonio  contentus  fuit.  Non  est  istud,  mihi  crede,  leviter  nec  oscitanter  praetereundum  :  sacrosanctam  Dei  religionem  rite  eos  solos  conservare,  qui  nullis  ipsam  perversarum  superstitionum  inquinamentis  profanent.  Eandem  illos  violare,  polluere,  lacerare,  qui  impuris  ipsam  impiisque  ritibus  misceant.  Qua  cogitatione  qui  se  exercebunt  fideles,  tali  sacrilegio  ne  quando  se  obstringant,  [pag.  12]  omni  studio  providebunt.  In  eum  modum.  Abraham,  Isaac,  caeterique  patriarchae,  quum  regionum  essent  earum  inquilini  quae  idolorum  abominationibus  refertae  essent,  quanquam  non  sine  gemitu  spectabant  hospitum  suorum  insanias,  quia  tamen  mederi  non  poterant,  ferebant  quidem  eas,  sed  se  in  puro  illibatoque  Dei  sui  cultu  sollicite  continebant.  Atque  ut  ab  eorum  superstitionibus  se  dissidere,  publice  non  proclamabant:  ita  nec  ullam  dabant  significationem,  qua  se  consentire  simularent.  Huius  simplicitatis  insigne  exstitit  in  Daniele  (Cap.  6,  11)  documentum.  1)  Edd.  rece.  1576  seqq.  habent:  Quae  (1566:  par  laquelle  clausule).