41:247  247  PRAELECTIONES  248  pugnat,  sicuti  Deo  placet  nunc  affligere  populos,  nunc  autem  reges  praeficere  qui  vere  sint  eius  ministri.  Sic  voluit  Aegyptum  punire  per  manum  huius  latronis.  Postea  sequitur,  25.  Et  excitabit  robur  suum,  et  cor  suum  adversus  regem  austri  j  cum  exercitu  magno:  et  rex  austri  irritabitur  ad  proelium  cum  exercitu  magno  j  et  robusto  valde:  et  non  stabit,  quia  cogitabunt  contra  eum  cogitationes  (id  est,  agitabunt  contra  eum  perfida  consilia).  Hic  angelus  pronuntiat,  postquam  fraudibus  invaluerit  Antiochus  Epiphanes,  plus  esse  ausurum,  nempe  ut  audeat  prodire  cum  exercitu  hostiliter,  et  ita  invadere  Aegyptum  palam,  et  sine  ulla  simulatione.  Dicit  igitur,  Excitabit  tandem  robur  suum,  et  cor  suum.  Nam  antea  per  latebras  obrepserat  vel  per  cuniculos,  non  excitaverat,  vel  cor  suum,  vel  robur,  quum  domi  quiesceret:  interea  autem  sibi  vel  proditionibus,  vel  aliis  modis  acquireret  urbes.  Hoc  erat  igitur  per  cuniculos  reptare.  Sed  nunc  ubi  palam  bellare  incipit,  et  copias  suas  emittere  in  apertum  campum,  dicitur  excitare  robur  et  cor  suum.  Describitur  ergo,  quemadmodum  iam  dixi,  nova  et  insolita  bellandi  ratio,  quia  Antiochus  haud  dubie  audaciam  collegit  ex  illa  serie  felicitatis,  quum  iam  potior  fuisset,  vel  potentior  nepote  suo  per  fraudes.  Postea  addit,  cum  exercitu  magno.  Loquutus  fuerat  de  manu  exigua,  nunc  opponit  magnum  exercitum,  quia  scilicet  potuit  longo  temporis  spatio  colligere  magnam  vim  pecuniae  ad  gerendum  bellum,  deinde  prorogaverat  fines  suos  vel  ampliaverat.  Potuit  etiam  contrahere  nova  auxilia,  et  propter  felicitatem  multi  ad  eum  accesserant.  Quum  ergo  modis  omnibus  sentiret  se  superiorem  nepote  suo,  tunc  colligit  magnum  exercitum.  Hex  etiam  austri  irritabitur,  id  est,  non  audebit  quidem  lacessere  avunculum  suum  Antiochum,  sed  coactus  prodibit  ad  bellum,  et  veniet  etiam  ipse  cum  magno  exercitu,  sed  magno  et  valido,  inquit,  vel  robusto  valde,  neque  stabit,  quia  cogitabunt  contra  eum  cogitationes,  id  est,  proditione  vincetur.  Hic  angelus  significat  Ptolemaeo  satis  quidem  fore  virtutis  ad  resistendum,  nisi  quod  prodetur  a  suis,  quemadmodum  clarius  videbimus  crastino  die  in  proximo  versu.  26.  Et  qui  comedent  portionem  cibi  eius,  conterent  eunt,  et  exercitus  eius  obruetur,  et  cadent  vulnerati  multi.  Heri  praedixit  angelus  non  staturum  Ptolemaeum  in  proelio,  quoniam  prodendus  esset  a  suis,  nunc  speciem  ipsam  proditionis  exprimit,  quod  scilicet  primarii  aulici,  vel  consiliarii  autores  erunt  huius  perfidiae.  Opponit  enim  gregarios  milites