27:247  247  SERMON  LXXXVII.  248  point  une  seule  goutte  de  sens  rassis.  Ainsi  donc  notons,  que  puis  que  Dieu  a  declaire  qu'au  royaume  de  son  Fils  les  Rois  seroyent  aussi  bien  appellez  a  la  cognoissance  de  verite,  et  qu'ils  sont  une  partie  de  l'Eglise:  qu'il  faut  qu'ils  monstrent  l'exemple  au  peuple,  que  c'est  bien  raison  aussi  qu'ils  employent  leur  puissance,  et  authorite,  pour  maintenir  la  bonne  doctrine,  et  faire  que  Dieu  soit  honore,  et  servi,  qu'ils  dechassent  toutes  idolatries  et  superstitions,  et  qu'il  ne  soit  point  licite  a  chacun  de  desgorger  des  blasphemes  contre  Dieu.  Voila  donc  ce  que  nous  avons  a  noter.  Et  quant  a  ce  qu'on  allegue,  que  Iesus  Christ  n'a  point  use  de  glaive  materiel  pour  avancer  sa  doctrine,  il  est  vray:  et  nous  n'avons  pas  aussi  l'espee  au  poing  en  chaire,  pour  approuver  ce  que  nous  preschons.  Mais  apprenons  de  discerner  les  offices,  et  cognoissons  comme  nostre  Seigneur  Iesus  Christ  est  venu  pour  annoncer  sa  parolle,  quand  il  veut  que  ceux  qui  la  recoivent,  chacun  en  son  endroict  et  en  sa  vocation  suyve  ce  qui  luy  est  ordonne.  Or  il  est  vray  que  du  temps  de  nostre  Seigneur  Iesus  Christ  les  grands  de  ce  monde  n'ont  point  adhere  a  l'Evangile,  comme  encores  auiourd'huy  on  voit  le  semblable:  et  il  a  fallu  que  les  petits  et  les  foibles  fussent  choisis,  afin  que  l'orgueil  du  monde  fust  abbatu  par  ce  moyen:  comme  dit  S��  Paul  en  la  premiere  des  Corinthiens  :  Vous  voyez  (dit-il)  qu'il  n'y  en  a  point  beaucoup  de  nobles,  ne  de  puissans  entre  vous,  ne  de  sages.  Et  pourquoy?  Car  les  hommes  ne  sont  que  par  trop  enclins"a  s'eslever:  et  si  Dieu  eust  commence  par  les  grands,  il  eust  semble  que  les  petits  n'estoyent  rien.  Or  Dieu  a  voulu  abbattre  toute  presomption,  afin  que  les  hommes  apprennent  de  ne  se  rien  attribuer.  Mais  quoy  qu'il  en  soit,  quand  les  grands  sont  appellez  au  service  de  Dieu,  alors  ils  se  doivent  employer  a  ce  que  leur  office  porte:  car  ce  que  nous  avons  allegue  et  d'Isaie,  et  de  David,  et  de  plusieurs  Pseaumes,  cela  appartient  au  regne  de  nostre  Seigneur  Iesus  Christ,  et  a  l'estat  de  l'Eglise  Chrestienne.  Il  faut  donc  conclurre  que  nostre  Seigneur  veut  que  les  Princes,  et  les  Magistrats  employent  le  glaive  qui  leur  est  donne  a  maintenir  son  honneur,  a  faire  qu'il  y  ait  union  de  foy  et  bonne  concorde:  et  que  si  quelcun  trouble,  et  qu'il  vienne  mettre  comme  de  la  zizanie,  que  celuy-la  soit  extermine.  Mais  la  punition  n'est-elle  pas  trop  rigoreuse?  Car  il  y  en  a  d'aucuns  qui  confesseront  bien  (comme  ils  y  sont  contraints)  qu'il  est  bon  de  reprimer  les  heresies:  mais  que  d'y  proceder  iusques  a  punition  mortelle,  que  c'est  trop  grande  extremite.  Voire,  mais  (comme  i'ay  desia  dit)  il  nous  faut  priser  l'honneur  de  Dieu  selon  qu'il  le  merite.  Car  si  nous  voulons  qu'on  ne  reprouve  point  du  tout  que  les  seducteurs  ayent  Ja  bouche  ouverte,  et  cependant  qu'ils  ne  soyent