10.1:247  CONSILIA.  des  usures,  tellement  que  cest  un  exemple  bien  rare  de  veoir  ung  homme  de  bien  et  ensemble  usurier.  Le  Prophete  Esechiel  (22,  12)  passe  encore  plus  oultre  car  entre  les  horribles  cas  contre  lesquelz  la  vengence  de  Dieu  provocquee  avoit  estee  allumee  contre  les  Iuifz  use  de  ces  deux  motz  hebraiques  Nesec  et  Tarbit,  cest  a  dire  usure  qui  a  este  ainsi  dicte  en  Hebrieu  pource  qu'elle  ronge.  Le  second  mot  signifie  acces  ou  addition  ou  surcroist  et  non  sans  cause,  car  chascun  estudiant  a  soy  et  a  son  proffit  particulier  prenoit  ou  plustost  ravissoit  un  gain  de  la  perte  daultruy.  Combien  quil  ny  a  point  de  doubte  que  les  prophetes  nayent  parle  plus  severement  des  usures  pour  autant  que  nommement  elles  estoyent  defendues  aux  Iuifz.  Quant  donc  ilz  se  iettoyent  contre  le  mandement  expres  de  Dieu  ilz  meritoient  d'estre  plus  durement  reprins.  Icy  on  faict  une  obiection  que  auiourdhuy  aussi  les  usures  nous  seront  illicites  par  une  mesme  raison  quelles  estoyent  defendues  aux  Iuifz,  pource  que  entre  nous  il  y  a  coniunction  fraternelle.  A  cela  ie  responds:  que  en  la  coniunction  politique  il  y  a  quelque  difference,  car  la  situation  du  lieu  auquel  Dieu  avoyt  colloque  les  Iuifz  et  beaucoup  dautres  circumstances  faisoient  quilz  traffiquoient  entre  eulx  commodement  sans  usures.  Nostre  coniunction  na  point  de  similitude.  Parquoy  ie  ne  recognois  pas  encore  que  simplement  elles  nous  soyent  defendues,  sinon  entant  quelles  sont  contraires  a  equite  ou  a  charite.  La  raison  de  sainct  Ambroyse  laquelle  aussi  pretend  Chrysostome  est  trop  frivolle  a  mon  iugement:  ascavoir  que  largent  nengendre  point  largent.  La  mer,  quoy?  la  terre,  quoy?  Ie  recois  pension  du  louage  de  maison.  Est  ce  pource  que  largent  y  croist?  Mais  elles  procedent  des  champs  dou  largent  se  faict.  La  commodite  aussi  des  maisons  se  peust  raschepter  par  pecune.  Et  quoy?  L'argent  nest  il  pas  plus  fructueux  es  marchandises,  que  aulcunes  possessions  quon  pourroit  dire?  Il  sera  loysible  de  louer  une  aire  en  imposant  tribut,  et  il  sera  illicite  de  prendre  quelque  fruict  de  Targent?  Quoy?  Quand  on  aschepte  un  champ,  ascavoir  si  largent  nengendre  pas  largent?  Les  marchands  comment  augmentent  ilz  leurs  biens?  Ilz  usent  dindustrie,  dires  vous.  Certes  ie  confesse  ce  que  les  enfans  voyent,  ascavoir  que  si  vous  enfermes  largent  au  coffre  il  sera  sterile.  Et  aussy  nul  ncmpronte  de  nous  a  ceste  condition  affin  quil  supprime  largent  oyseux  et  sans  le  faire  proffiter.  Parquoy  le  fruict  nest  pas  de  largent  mais  du  revenu.  Il  fault  donc  conclurre  que  telles  subtilites  de  prime  face  esmeuvent,  mais  si  on  les  considere  de  plus  pres  elles  esvanouissent  delles  mesmes,  car  elles  nont  rien  de  solide  au  dedans.  Ie  concludz  maintenant  quil  faut  iuger  des  usures  non  point  selon