9:246  memoriam:  quia  Christum  dicimus  secundum  carnem  relicta  terra  in  coelos  receptum  esse.  Etsi  enim  dum  petulantiae  suae  quidvis  licitum  esse  volunt,  verba  nostra  depravant  :  rabiosis  tamen  spumis  non  efficient,  quin  semper  dilucida  maneat  nostra  doctrina,  quamvis  Christus  deus  et  homo,  Dei  et  hominum  mediator,  totus  et  indivisus  coelum  et  terram  [pag.  311]  impleat,  carnis  tamen  suae  respectu  non  nisi  in  coelo  esse.  Alibi  recitavi  vulgare  illud  scholarum  proverbium,  quod  Christus  ubique  totus  sit,  sed  non  totum.  *)  Quod  si  notum  fuisset  bonis  istis  theologis,  compescere  poterat  eorum  rabiem.  Qualis  enim,  obsecro,  affertur  Christo  ignominia,  si  caro  quam  induit,  et  in  qua  passus  est,  in  coelos  sublata  esse  dicitur,  sicuti  in  sepulcro  inclusa  fuit?  Atqui  neque  a  Iudaeis,  neque  a  Saracenis  quidquam  atrocius  posse  dici  clamitant.  Cur  non  ergo  contra  angelos  exserunt  suam  saevitiam,  quia  ratiocinari  ausi  sunt,  Christum  non  esse  in  sepulcro,  postquam  resurrexerat?  Si  ubique  est  Christus  secundum  carnem  pro  divinitatis  natura,  stulta  fuit  haec  responsio:  Surrexit,  non  est  hic.  Dignus  etiam  Petrus  qui  crudelius  omnibus  sacrilegis  plectatur,  qui  blasphemiam  omnium  deterrimam  protulit,  oportere  Christum  coelis  comprehendi  (Act.  3,  21).  Quid  de  tota  antiquitate  dicam?  constat  enim  [pag.  312]  vetustos  omnes  scriptores,  qui  totis  quinque  saeculis  post  apostolos  vixerunt,  uno  ore  nobis  patrocinari.  Et  hic  nobis  Osiandri  sui  stercora  aspergunt:  quasi  ulla  unquam  inter  nos  affinitas  fuerit.  Contempserit  sane  Osiander  pro  suo  vesano  fastu  humiliatum  Christum,  quid  hoc  ad  nos?  Quorum  pietas  notior  est,  quam  ut  hac  mendaciorum  labe  foedari  queat.  Quin  optimo  iure  in  eorum  capita  inanem  istum  garritum  retorqueo:  quia  Christum  humiliatum  negant,  eos  totam  salutis  nostrae  summam  exstinguere,  et  impie  abolere  incomparabile  divini  in  nos  amoris  pignus.  Nisi  enim  exinanitus  fuerit  Christus  quum  in  cruce  pendebat  et  iacebat  in  sepulcro,  ubi  humiliatio?  Atqui  tunc  coelesti  beatitudine  potitum  fuisse  fingunt:  neque  id  modo,  sed  carnem  illam,  in  qua  patiebatur,  immortalem  iam  in  coelis  sedisse.  Unde  apparet,  nihil  ipsis  esse  propositum,  nisi  ut  tonitru,  vel  crepitu  miseras  plebeculas  dementent,  [pag.  313]  Filium  Dei  unicam  gloriam  et  salutem  dicunt  in  coelis  regnare,  liberrimum  esse,  nec  pani  affixum,  nec  sphaeris  alligatum.  Haec  vero  nostra  fides  et  professio  est:  modo  concedant  Christi  carnem  coelesti  gloria  vestitam,  non  sua  natura  exutam  esse.  Idem  igitur  homo  Christus,  qui  horribile  et  acerbissimum  mortis  genus  pro  nobis  in  cruce  pertulit,  nunc  obtinet  nomen  super  omne  nomen,  ut  coram  eo  ilec-  1)  Lib.  3  Sent.  distinct.  22.  IB*